يا معدي المرقاب عدي كان لك عزم ٍ وحيل = وأيا طريق ٍ تسلكه أفرد عضودك وأسلكه
تعال عان الدرب قدامك ترى الممشى طويل = أنته مع الشعار شاعر منت شاعر مدركه

امعدي المرقاب يا الهذلي يعدي بالطويل = ونته ليا من شفتني ضيعت فكر المملكه
خابر دروب الناس يومنك تدور للدليل = حتى ليا من شفت أنا اسمك ما ظنك تملكه

أنته عتيبي من عتابه تعرف إني من هذيل = وهذيل وقت الجد خشم الخصم تقدر تفركه
أليا عرفت الدرب فكر فالكثير فالقليل = من البحر لعل تقدر تقدر تجيب سمكه

أنا عتيبي لو بغيت الليل ليلك صار ليل = وهذيل معروفه من الماضي تحب الفبركه
أنا أحمد الله ماني برجل ٍ شحيح ولا بخيل = يا بريك منته من هل الميدان صوّت لبركه

أنته عتيبي والعتيبي ما نبا غيره عميل = يالله عسى ما بيننا يا صاحبي فيه بركه
لن عشت طبعي للكرم وإن مت ماني بالذليل = ما بيننا وش ودكم بالصلح وألا المعركه

وأنتم كذلك فالمكايل كيلكم في كل كيل = يا اللي معاكم حبلنا مبطي وحنا نشبكه
يا ماجد الله يرحم احصان العرب ذاك الأصيل = من بعدها صارت علاقتنا معاكم جمركه

الجو يمطر بالمطر والسيل فالوادي يسيل = وأهل النخل لموا من التمر المشوك فـ .. تـنـــكه
ترجح موازين الثقال وفالخفاف يصير ميل = في كفة الميزان دايم فيه ميله وحركه

الله يجيب الخير للعالم ولو وسط الشليل = وأهل النخل تعطف على المسكين من زود البكه
ان كان ضاق الصدر يا ماجد ترا قلبك عليل = شف لك طريق ٍ ملتوي يا صاحبي ثم امسكه

ما عاد باقي فيك حيل ولا أنت صانع مستحيل = نبغا نجهز لك عصى ونحط رجلك ف .. فلكه
إن كان شبيت إلك نار النار تشتب الفتيل = وألا تبخر جيب لك مبخر وحبة مستكة

أنته يا ماجد نور عيني مقدر أقول لك شيل = لكن خذ لك موز جيّد بعدها واستهلكه
مبغى نصايحكم ونا ياما عملت امن الجميل = خل الدهون لجسمك الطيب يطوّل عمركه