مرحبا بالثّعلي اللي خابرينه فالمحاني=فايّسره وادي رهاط وفـ أيمنه مقلع طميّه!!
لا تقول الثّعلي الاول.. يالين تشوف ثاني=كلكم ياربعنا وقت الطلب فالمقدميه!!

البقا بالكبتن مناحي بعد خطه لفاني=منزلي معروف وانته وين ياراع الحميه
الحصان حصان دايم مايجيب الا الحصاني= مادخل معنا ضعيف ولا دخل معنا هميه

يالقضاه الشعر مايبغى معاديل وعواني=لاش معدالً يطيح ولاش تعليقة عنيه
والكلام اللي عللى قلبي يجيكيبه لساني=كلنا عتبان والطائف قريب من الحويه

ماطلبنا منك حق ولا تغير فالمعاني=لا تسوي لك قضيه وانت ماعندك قضيه
انته من ايا عتيبه ياهذاه المودماني=خابرين الاصل مير الفرع عجل به عليه

يالقضاه احكامك ماعاد يقبلها الزماني=جاهليه والعرب ماعاد تبغى الجاهليه
كان مستعجل تبى كل الحقايق في ثواني=عندك ايميلي وراسلني يابن عاضي شويه!!

حكمنا جنبيتين انحطها بين الاذاني=ماتناقض حكمنا مع حكم خلاق البريه
اتشرف بالشجيع ولا اتشرف بالجباني=وانت من هرجك شجيع وحسنتك ماهي بسيه

حكمكم لا جاء فالحديث ولا لقيته فالقراني=لا لقيناله هناك ولا لقيناله هنيّه
خفّف السرعه شويه واربط حزام الاماني=والدروب طوال يارجال والطرقه مديه

كان اغاضك حكمنا يابو لهب مالك مكاني=ارفع الغتره عن الصلعه واخذلك نافعيه
الدروب اطوال مار العشر لاترجع ثماني=وان بغيت تقصر الخطوه تراه احسن شويه

الله انه فوقكم ياعيال ثعلي لا يحداني=مانبى منكم كثير.. ولا نبى منكم بليّه
مكتفين بشرع ربّي من طويلين اليماني=الملك عبدالله ..ونايف وزير الداخليه

مانباك ولا تبانا ياوخيّ صحيب هاني=مار انا منكم بعد هذي نويت اغسل يديه
اكتفيت بشرع ربي عقب نور الخير باني=والزمان اللي مضى الثعلي تنجّد به خويه

ابك حنّا ماوصلنا الـ ..مانباك ولاتباني=وأن تبرّيتوا ..تراها منكم الذمّه بريه
ياذوي ثعلي تراكم كلبوكم من خواني=مير فيكم جاهليه عاقبتها عنصريه

لاتغيّر هرجتك ياصاحبي يالقلباني=مايجي منّا قصور ولاحصل منّاخطيه
انشد اللي عارفين العلم يامناحي وكاني=من هم اللي في نهار الضيق صدتهم قويه

يابني ثعلي ..تراني كبتن مناحي تراني=اشرب الشعار فالميدان شُرب الشاذليه
ولا على العتبان خوف.. الديره امان وطماني=والختام اخر كلام ادق لعتيبه تحيه!!

انته مناحي وانا قافي زهمته ماعصاني = الحقيقه مايضحكني ترى شر البليّه
ماعلى العتبان خوف والابهم واحد اناني=والختام احلى تحيه مع سلام ومقدريه