راس حربه جاك يا كبتن مناحي وين رايح=والهجوم اللي سريع افضل وسيله للدفاعي
كل ما عاينت فيّه مر قايم مر طايح=ليت تلقى شي غير اللعب لو ان كان راعي

انت يالي دوب جيت اشوفك بسرعه تصايح=مير انا من دون حالي حايلن دوني ذراعي
كان مانته من عتيبه فيك سويت الفضايح=وكانك عتيبي ترى مال الكلام الشين داعي

في مجال الجد جد وما نبا كثر المزايح=يالوضيحي جاك جاك الموج والقارب شراعي
كان بيت المال ما يعطي سلف والا منايح=شفت نص الناس وسط السوق تبتاع الرقاعي

عندنا فالمنتدى قانون ونظام ولوائح=مايلاعبنا هنا الا شاعرن فاهم وواعي
ياعتابه كان مابه شي فديوس المنايح=كثّر الله ياعتابه.. خير نادك والمراعي

عقب ما صارت كذا يا هيه هيضت القرايح=والمعاني بالمعاني يا بعيدين المساعي
دام زادت شركة الجوال في صرف الشرايح=فيهن الرقم المميز كاثر(ن) فيه النزاعي

ابك انا من اهل البلد والا انت دوبك جيت سايح=انتبه ترى الديّر مازحمتها الاّ السباعي
يالعتيبي من عتابه مانت في حاجة نصايح=دوّر احسن رقم والدنيا بحسب المستطاعي

في محلي بين ربعي ثابت ما نيب زايح=وانت جيت الافتتاح وتطلب الحفل الوداعي
يا مناحي دام برق الخير والخيرات لايح=ويش حاجتنا براع الزرع والبنك الزراعي

الرجال بمعرفتها.. ماهي بحسب السنايح=وواثق الخطوه ملك.. واصحى تزل ابك الكراعي
ياعتيبه من بعضنا مانبا غير السمايح=والبروق تلوح قبل ارعودها والغيث ماعي

يا مناحي ما خلطنا البيض في سود الصفايح=مير كب الباص والتعويض فالنقل الجماعي
ربعنا العتبان ما تبغى من العالم مدايح=طيبها ينشاف شوف العين ما يبغى سماعي

.
..

الايداء1

صح بدنك
وشاكرين لك مرورك

اخوك
راس حربه
..
.

صح لسااانك يا مناااحي




كان منتى من عتيبه \\\\\فيك سويت الفضايح\\\\\
وكانك عتيبي\\\\\ترااا مال الكلام الشين داعي\\\\
\\\\\حراااااام من حزااامي \\\\ مفروض يحطون ها البيت مع المعلاااقاااات