يامرحبا أحلى من حليب المغاتير = تقدير من قلبي بقدر الرجالي
طيرٍ بلا جنحان مايمكن يطير = وطيرٍ بجنحانه مع الجو عالي

دام البقا والله يمسيك بالخير=قبل الغروب وبعد وقت الزوالي
الا النعامه عن طيور السما غير=اجنوبها اعرض من جنوب الجمالي

يالله تدبرها بحسن التدابير = جاب الجواب ولا طرحت السؤالي
غير اللي قلته في مثل شكلها كثير = ليتك دريت ابها ياولد الحلالي

وش هو جوابي ياحسين التفاكير=وان ضاع علمك لاتجيني تلالي
اسمك كبير وله معزه وتقدير=وان مااحتميته غيّره ياحلالي

إن كان ماشفته نجيب المناضير = وتشوف ماقلته سوات الجبالي
اسمي تراه اسمي ولاهو بتزوير = ورثٍ ورثته طيب عمي وخالي

دربل بدربيلك وسوق التباشير=وافرح وفرحنا واخذ لك ريالي
ابلشتني بلشت جحا والمسامير=اللي غرزهافالجدارالموالي

ما كل شيٍ(ن) لابغيته لك يصير = واعرف ترى الايام حالٍ وحالي
حقه وله حقه ولو شي(ن) صغير = شرطٍ عليك ولاتزيد الجدالي

مانته بلا شاعر ولا سالم الزير=لكن اعدك واحدِ من عيالي
ارفع نظرك اشوي قدم ادهن السير=لاترتخي خلك يابو زيد عالي

انا من اهل الجزل معنى وتصوير = ولّي في فمه المر ما ذاق حالي
اليا عرضتك طالبٍ فيك تسعير = قالوا تراه بخيص والسوق غالي

يااللي بنيت البيت جا فيه تكسير= والبيت فيه من المهندس ميالي
الحر غالي ياشبيه العصافير=ماني بدافع فيك من حر مالي

انا المهندس لانكسر جاه تجبير = وانت العميل اللي تجيب المقالي
حرٍ(ن) سكن ياهيه في طيّة البير = ماهو على حيدٍ بنيف الجبالي

يامهندس الدجه لوتك المعاصير=وامست على وجهك تحوث الرمالي
اخير من خربِ قصير المناقير=والحر باسمه حر ياهملالي

جت فوق معصيرك سحابٍ شخاتير = سيلٍ يشيلك عرم لا سال سالي
اللي يشيل المسك ماينفخ الكير = كيف(ن) تمثل حال شكلك بحالي

الصيف ومزونه مقافي مدابير=ترعد وتبرق وابرق الحزم خالي
المسك طيبِ للرجال المناعير= والا انت طيبك غيرفاول وتالي

السيل فوق الحزم شال المباذير = خلّى محل الزرع جرفٍ هيالي
تعجز بي القوات وايضا الطوابير = ولاّ انت ياضني مصيبك هبالي

السيل حدروالاوادم مصادير =مايشربون الا القراح الزلالي
يااذكا ذكي لو لقموك الخوابير=تضحك متدري فوق حمر الزوالي

الله واعلم من شرب ماه تعكير = حدوه قوم(ن) فاللقا ماتبالي
الله لوشفت الاوادم مقابير = قلت ارحم بحالي يارب الجلالي

اثرك جهازِ ما يبا ارقام تشفير=واتقول انا شاعر وشعري مثالي
الموت حاصل وانت تحتاج تطهير=ذنبك كبير ومن جهنم يوالي