الليل يالشاعراللي طول غيابك=طول غيابك وزعلوا زعلوا اصحابك
واليوم حظ الجماعه كلهم جابك=تهبا سرائيل وتعيش السعوديه
ياليل ياللي جبت لي كبتن مناحي ليل عيد=شفته وانا في طرقتي مرار رفرف ياعلم
قال المثل ما احد(ن) يقصك يالحديد الا الحديد=والنار ضد النار ياشعار رفرف ياعلم

يالليل ياجامع الاصحاب فالهيلا=ماظن مثلك على الدنيا ولا ليلا
ربعي هل الرمح واهل السيف والخيلا=تهبا سرائيل وتعيش السعوديه
ياصاحبي سوق السوالف ياعسى عيدك سعيد=ترى مناحي جاء يشب النار(رفرف ياعلم)
يامطيّب المعنى ليا حطوها فالضلع البعيد=مثل الاشاره تتعب الانظار(رفرف ياعلم

انشدك منهي هنوف(ن)تسكن القمه؟=ترفع وتخفض قيادة مجلس الأمه
تامروتنها تطش الشمل وتلمه=تهباسرائيل وتعيش السعوديه
يالله تدل الكبتن مناحي على الراي السديد=وعن الهدف يرسل لي الأخبار رفرف ياعلم
ياكثر الأسهم فى البنوك اليوم ياقل الرصيد=هابط مؤشر عملة الدولار رفرف ياعلم

لن كان ساري على الالغاز طاريكا=والله لا ارسل لك الغازاً تماتيكا
ولغزك على ماهقيت أظنه أمريكا=تهبا سراءيل وتعيش السعوديه
ترى العوارف من خصايصها تفيد وتستفيد=والمعرفه تحتاج للافكار/ رفرف ياعلم
السوق هذي حالتها ياما نقص ولا يزيد=تحكموا به حضرة التجار/رفرف ياعلم

انشدك عن شي اله بين العرب سمعه=والا بالغاز والله مالنا طمعه
ماجبتها مير هذي تعتبر رمعه=تهبا سرائيل وتعيش السعوديه
أخذ الصراحه يامناحي وأسمع العلم الأكيد=الخيل كثرت داخل المضمار رفرف ياعلم
حنا بلشنا يامناحي فى القديم وفى الجديد=مابين ذيب وثعلبٍ مكار رفرف ياعلم

بيني وبينك علوم جزال وسماني=واللي على خاطري ينطق به لساني
ترى للغاز ياعتيبي قسم ثاني=تهبا سرائيل وتعيش السعوديه
اللي مايرسمها ويبنيها على الساس الجويد=خطرن علاها فالضحى تنهار(رفرف ياعلم)
اليوم وين اللي يعرفون الحرار من العبيد=بعد العبيد امسوا جميع احرار (رفرف ياعلم)

تبا الصراحه تراك قريب(ن) منها=والسالفه عن من مثل شرواك ما آمنها
بعطيك برهانها عاد انت برهنها=تهبا سرائيل وتعيش السعوديه
الطب ضايع ياطويل العمر فى القلب البليد=ولو قلت لف يمين لف يسار (رفرف ياعلم)
و(المعرفه )كننزٍ مايفنى فى الزمان ولايبيد=غالي ولاتبخس به الأسعار (رفرف ياعلم)