سلام الله على ابن العم شاعر روق يا الروقه=سوات خيال من فوقه بروقٍ ما تلحقها
ما دام انه لقا طاروق من ذوقه وطاروقه=عسى يسري معي لين المزون يبين بارقها

هلا يامرحبا بالصاحب اللي زان منطوقه=عدد وبل المزون اللي هوى الغربي يفرقها
يبا يسري مع اللي فالمعاني كاملِ ذوقه=ورجله مع رجال الجود والماجود يطلقها

يدوم الك البقا وعلوم بعض القوم مفهوقه=يغربها ليا منه حضر والا يشرقها
على رمحٍ يفج النحر في طعنه وزاروقه=ابا اجمّع عيال العود من داني وابا احرقها

عسى الله مايبارك فالضعيف ان ضاعت احقوقه=حقوقه ضايعه والعين فالعالم يبحلقها
عسى الله بس يستر لا تجيب عيال مرزوقه=ومرزوقه عسى مرزوق يامزبان يرزقها

عسى قلب الخسيس يموت ما تحيا به عروقه=يقبلها على كيفه يا ليت الله يغلقها
ارفع نظرك وتاجد علومٍ سما ... وموثوقه=واليا عجزت اتحلها سهله على موثقها

انا ادر(ن)الخسيس انسان وانجس من ذنب طوقه=علوم الشين يامزبان يطبخها ويسلقها
لا والله ساع ماشفت العميل اللي قهر نوقه=وانا بعطييه ساعه وان تركها قلت له سقها

يا سلام عليكم يالنشاما
واصلو لاهنتو متابعين

انا لي راي في عبدٍ تسيّد فوق مرقوقه= ليا منه خلص منه... العجيّز قام يخنقها
لكن الله يفك الحر من معقودة اسبوقه= لجل يشهر وريش الخرب من فوقه يصلفقها

وانا لي راي في عبدِ لبس له بشت بفتوقه= وهو هين وما من لون والعالم يسابقها
تقول امين يامزبان والنيات مصدوقه=على كيفك تكذب نيتك والا تصدقها