بديت ومعي فالشعر علم ودرايه=وعلى منتدى الهيلا نرد السلامي
يجي شاعرٍ يكتب ويهوا القرايه=ونور السماء يجلى سواد الظلامي

هلا مرحبا واقولها بالبدايه = بعد جيت في حلة عزيز المقامي
نبا نعرف الموضوع ويش الحكايه=تفضل وقول السالفه بالتمامي

يدوم البقاء والوعد خط النهايه= وخلك معي فالدرب شد الحزامي
بليهان يرغي عقب ضرب العصايه=وحطوله اشدادٍ وقيد وخطامي

عسى لك مع العرف شفٍ وغايه=ورى ماتقدم نظرتك للامامي
ياليتك تعاين كيف سوت يدايه=قبل لاتجي فالمخ تحت العظامي

اقول الخطاء مكروه وافهم نبايه=قبل لاتهور واضربك بالحسامي
ولا يابن ثعلي وين خلك معايه=وانا اطلعك بالشعر لكبر محامي

واقول الخطا ماهوب للناس رايه = وانا اعلمك بالعلم وافهم كلامي
ترى الشعر يابن الناس مثل المرايه = تبين علومٍ خافيه للانامي

تعلم تعلم وخذ مني وصايه=تجيب الحجج باسلوب ماهو خصامي
تريد الحقيقه مالنا فيك غايه =مدامك تضيع في حلال وحرامي

تلف وتدور ولاعرفت الروايه =شربنا بحور الشعر ولاانت ظامي
تقوله وانت مقصدك منها دعايه = وانا اظن باتل ناويٍ بالختامي

ترا الدلوا دلوي والرشا ذا رشايه= ولا باقي اللي اعطيك كل الاسامي
عمى عينك العورا ولاهو عمايه= تلوم العرب وانته عليك الملامي

يابو دلويسقيك المطرمن سمايه=وتملا دليك من صدوق الغمامي
وانا ليش الوم اللي بدار الرعايه=تراني ماادور للخطا والاثامي