نويت اجيب العلم واثبت للاعيان=ان الحقيقه ماتبا ايات برهان
وأهل الجزيله ماشروها بالاثمان= والصبر زين وكل مطرود ملحوق

الثعلي الاول يناد اهل الشمال = يامرحبا ترحيبةٍ ترقى سنود
هبت عليك العاصفة مابه جدال= واسمع صياحك يوم خلق الله رقود

ياللي نويت تجيب علم وحقيقه=عندي خبر ومثبته فى الوثيقه
موج البحر والله مايسلم غريقه=والصبر زين وكل مطرود ملحوق
يالثعلي الاول تعال اقرب تعال=الك البقا ياليت ماتنقص تزود
العاصفه مغير يالثعلي رمال=والذيب مايجفل ياكود انه شرود

وش عذرك امن الناس عقب الرمالي=هدت خيامك يالرفيق الموالي
وبسبابها ودك تشد الرحالي = والصبر زين وكل مطرود ملحوق

جيتك وانا لي ياولد عمي سوال=وانته لعلك ماتبيح بالسدود
الذيب يقنب في طويلات الجبال =والضبع ضبع ولايشابه للاسود

هرج(ن) بلا مضمون ماودنا به=هات الخبر واعطيك جابه بجابه
ترى الحقايق ماعليها طلابه=والصبر زين وكل مطرود ملحوق
بعض السوالف مالها عندي مجال=تضحك علي المسلمين مع اليهود
ما ضاع لي من راس مالي لو ريال=ما احلف ولا ادور على الدعوى شهود

هرجِ بلا مضمون خله يولي=لكن كن اللي حصل لك حصلي
حتى ايش لو ما ضاع لك ربع ملي=الصبر زين وكل مطرود ملحوق

الضحك حاصل يالشمالي لامحال=وانته تبا تثبت لي انك فالوجود
عساك سالم بس ياذيب العيال=والزيرسالم يالعله مايعود

ارسلت لك مرسول ماشفت رده=هات الخبر ياصاحبي ثم وده
ماودنا نبحث خفا من نوده =الصبر زين وكل مطرود ملحوق
الضحك ساعه مايطول الا الخبال=وانا وجودي درع حامي للحدود
تعال ابا اعلمك واضرب لك مثال=يميز الضباط من بين الجنود