ماجد عطوه الوسام اللي قبل مالقيه=هدية عتيبه الهيلا لجيرانها
وهذيل يوم اسمعوا قالوا ماشاءالله عليه=هاثم قامت تصيح برؤس ضلعانها

هذا وسام الذكا غير الذكي ما يجيه = وأنته وأنا والعلوم يقر ميزانها
الجهل معنا نصيحه لا تجي تبتديه = تردى الأوادم بكلمتها وبلسانها

الجيّد اللي ليا اعطوه اللقب يحتميه=وهذيل من طيبها نتعب على شانها
والجهْل معكم تارانا ياعرب مانبيه=يالله دخيلك من الفتنه ودخانها

أعلم العلم واللي ما فطن لي نسيه = أنته على أحصان والهذلان بحصانها
أحد ٍ رمى الرمي وأحد ٍ يا عرب يحتريه = الرميه اللي يقررها بنيشانها

لا تحسب أنّك بعد هذا الامر صرت بيه=ماتعرف الخيل غير عيون فرسانها
وهذيل كلن يشيل المسبحه في يديه=بين الجبال الطوال تحدّد أسنانها

قالوا لي إن الوسام اللي معك مشتريه = ما شفت ذيك الصقور اللي بجنحانها !!
يا مناحي الذيب قبل يجيك لازم تجيه = لاكن دنياك تنقز لك بشيطانها

انا مناحي ..وجهّال الصقر تشتويه=والاوسمه يالهذيلي وأنك و وانها
واللي عرف ماردونا ماتناسى بليه=اهذيل لاتشري الكوره لورعانها

أخذ الريال وبعده تعرف لون الجنيه = أهل الوطن رزقها يآصل ليا أوطانها
لن كان لك أذن لا علمت علمي تاحيه = أهذيل بركان وأنته وسط بركانها

العصر الاول مضى مير البلا الي يليه=فانت علانا طيورً ماعرف الوانها
عسى براكينكم فجبالكم قول: ليه؟=لانها ماتشابه غير هذلانها

يا صاحب ٍ بالعمى يغشاه ماقد غشيه = وأعيونه أوسع من الحّـله وقدحانها
النار تحرق .. من .. اللي مد فيها يديه = خل الغشامه وغن أبيوت بلحانها

هذا عيون ايش يابن هذيل لكن هيه=بعض السوالف فضيحه فوق خبلانها
حنا نحب المعاني والكلام الوجيه=والنار ماطاح فيها غير عيدانها