ياعتيبه كل واحد للطما يشعب ذلوله = اسمحوا لي بالسلام واسمحوا بالتحيه
واحد(ن) يملك رصيد واحد بليا سيوله = لايجيني غير تاجر عارفن نص الوصيه

مرحبا في مرحبا واللي معه علمِ يقوله=عد علمك من ضميرك لاعلاك ولا عليه
كم وكم من حضرميِ تجرته من بيع فوله=مارعجل بالوصيه قبل تلحقك المنيه

منتداكم ياعتيبه عادته كسب البطوله = لاتجيب الهرجه اللي تلحقك عار وزريه
اترك العلم المكرر واستمع فاللي أقوله= خمسة(ن)من دون خمسه كلهم شمس اضحويه

مايجي من خطا ياشاعرِ ماشفت زوله=لين غبت وجيت واليومه يبا تصبح ضحيه
الثرى رجلاك فوقه والثريا ماانت حوله=والنصيحة طيبه لاتتعب النفس الشقيه

فاقد الحدين منهو ياجماعه اللي يعوله = كل عرقن من ثراه وكل شي(ن)له نحيه
ياجماعه ياجماعه وضحوله واشرحوله= لغزنا راح وتعدا والعمل لازم بنيه

فاقد الحدين لاجي عندنا يلقى قبوله=وان تحدانا يذوق الموت قضبة يديه
جبت لغزك مارلغزك للعرب تكثر حلوله=كمله لاتنقصة والنقص ياشاعرخطيه

يابن عمي يابن عمي طالبك تتبع رسوله= لاتروح بعيد حتى لاتجي وسط الهبيه
يابن عمي لا لفاكم علمنا يمشي بصوله = لاتعذر هقوتي ماانت بقاضي للقضيه

وابك انا عندك قريب ومزننا فوققك ثعوله=خيلت ثم امطرت والراس ماهو وسط فيه
صاحبك يعرف طلوعه قبل لا يعرف دخوله=والقضيه جالها تسعين باب بلا دعيه

ابك كلمه مالها بين العوارف من عموله = كلنا اهل القريا نعرفك زبن الونيه
المراجل يالعتيبي ماتجينا بالسهوله = والسلام ختام قولي يامعذرب في خويه

ياولد من لا يعرفك يجهلك وابن الحموله= فيه خير وفيه شر وحسنته ماهي بسيه
الخوي اللي يسدالدرب ابا اخذ معه جوله=ان رضي قلنا هلابه وان زعل من زود غيه