سلام الله عدد برق سناه من المناشي لاح=عليكم ياعزاة المنتدى والنيه النيه
انا من عادتي مااغزي على خصمي بدون سلاح=احد بالسيف اضده واحد حده راس جنبيه

هلابك مرحبا بك عد ماجا من كلام وراح = نيابه عن رجال فالملاقا نارهم حيه
وانا من عادتي لاصارت مواجه وزرق رماح = اقول اللي يصد من المواجه لارحم حيه

يدوم لك البقاء لكن دامك فالبحر سباح=ابى اوصيك لاتقرب من الغبات موليه
والا ياهل قطر ماتعرفون القفل والمفتاح= وانا عندي علوم بينه وعلوم مخفيه

وصاتك خلها للي يهاب الحوت والتمساح = وبالك لاذبحت الداب الاسود تترك الحيه
والا ياهل البلاد اللي لاجيتو عندنا سياح = ماتلقى شارع الا ماتلاقي فيه دوريه

مادام انك مسوي تعرف السارق من المزاح=حلفت انك لتنشب بين حد الشمس والفيه
ليا جينا لقينا عندكم شرطه وصوت صياح=واذا جيتوا عطيناكم شحم حايل وبريه

مثل منتا تعرف خريص اكيد انك تعرف رماح = وهذي غير عن كل المدن وسط السعوديه
مصيبتكم مصيبه ماهوبفايد بها الاصلاح = لكن حاول تركد واجعل الهجمات بينبه

انامااجهل سلوم العزوه اللي تكسب الامداح=لكن في نجد ماحصلتهم لوكان طرقيه
انا اظنك يابن راشد معك فالوقت سبع ارواح=تحد الناس لعلوم القشر والناس منهيه

وانا ماني بناسي عن فعول الطاغي السفاح = ياعزي للرجال اللي كبار وذات اهميه
ابعطيك الدروس اقسام ابه ممسا وبه مصباح = يالين تتوب عن بعض الحركات الخياليه

تبي تتعب تدور سالفه والقى وانا مرتاح=ليا مني بغيتك جيت باثباتات رسميه
ترى ماانته تدرسني لكن لاتتبع الاشباح=انا ادرس بليد القوم بدروس خصوصيه