مرحبا مرحبا بالزود زود = للرجال العريب انسابها
يالشمالي لايا نام الرقود = لاتصك العيون اهدابها

البقا والبقا وارقا سنود=من يروم العلا يرقابها
والخلا والعدم ماله وجود=تعرف الخيل من ر كابها

كان جاك الضمى عان العدود = اورد اورد على مشرابها
ياوجودي على الطيب وجود = كان بالطيبه يبدابها

نعرف ان العدود الها حدود=عد حجتك ياكتابها
قبل تمشي تزود بالوقود=الخطيبه هوت خطابها

كل عدٍ على ظهره ورود = ظمّتي ديرتي وهضابها
كان ودك تقدم للعنود = لازم انك تحسب حسابها

خل كثر الكلام بدون فود=اكثر اهروج مانشقابها
لاتجي في مداهيل الاسود=ثم تحطك مابين انيابها

هرجتي مثل سيف(ن) امحدود = اكثر الناس وطّى ارقابها
وانا ذيبٍ تقفى للشرود = كل ديره حدر بشعابها

هيه ياللي تكسر فى الردود=رد خنجرك وسط اجرابها
دام حدرت عزمت الصدود=المجانين ويش ابغا بها

نكسره من على راس الحسود = كل نفسٍ تعرف عتابها
والله لاشب نارٍ كا لخدود = لا تقرّب ترى ترمابها

ما ابتلش قائد الا فالجنود=النصيب الردي يبلا بها
لاتكلف ولاتقبس بعود=ابك ابا اخدمك واقفل بابها