سلام تسليم الرجال اللي تعده للرجال=يالشاعر اللي ودك بطاروق سلم واستلم
المعرفه عند الرجال اهل المعارف راس مال=اسمع كلام المصدر الماثوق سلم واستلم

المشاركة الأصلية كتبت بواسطة الفالح سلام تسليم الرجال اللي تعده للرجال=يالشاعر اللي ودك بطاروق سلم واستلم المعرفه عند الرجال اهل المعارف راس مال=اسمع كلام المصدر الماثوق سلم واستلم

يامرحبا يامرحبا وعداد ذرات الرمال = يالشاعر اللي ماتعرف البوق سلم واستلم
والمعرفه يلي تعرف المعرفه قول وفعال = برهانها وفعولها من روق سلم واستلم

دام البقا دام البقا وابشر لك بفال وعقال=مادمت يادرموح روقي روق سلم واستلم
نبا نسولف والحمول ثقال عينت الجمال=عساك تسلم مايجيك العوق سلم واستلم

الدرب قدامك تبى تمشي عوج ولاّ عدال = نعم وأنا روقي وسوقه سوق سلم وستلم
ان جيتنا تمشي مامعك إلا هلل ولاّ ريال = مثل العليمي مايعرف السوق سلم واستلم

لا والله الا ساع نزلت العمامه والعقال=تبا تصير املازم(ن) بحلوق سلم واستلم
وراك تزعل يوم وجهتلللك امجرد سوال=تعال شل هذاه يامرزوق سلم واستلم

إن كان نزلت العمامه بربطك ربط الحبال = وجّودك وحطك بصندوق سلم وستلم
إن كان تنشد عن جمال اتشيل حملٍ ما يشال = هذاه ياعالم ماهو منطوق سلم وستلم

انا من اصحاب اليمن وانته من اصحاب الشمال=الشعر يادرموح فن وذوق سلم واستلم
احد(ن)نعشيه الجمل واحد(ن)نعشيه الخيال=واحد(ن)نقول اقلط على مرقوق سلم واستلم

احد(ن)نعشيه الجمل واحد(ن)نعشيـه الخيـال=واحد(ن)نقول اقلط على مرقوق سلـم واستلـم

انته تدبدب فالمعاني منت ابو زيد الهلال = إن كان تبغى العرف عاين فوق سلم وستلم
ياظنتي فلّوح ماعشى ولايعطى الجزال = وان كان عشى كنه ابمخنوق سلم وستلم

هلت على راسك من البارح هماليل الخيال=فيها الصواعق والرعد وبروق سلم واستلم
ما والله اخبل واحد(ن) يصدم براسه فالجبال=مجنون مدري عنه كيف ايفوق سلم واستلم

جته الرياح اللي تفرّق وبلها في كل جال = ثم عوّدت في راسك المفلوق سلم وستلم
مازحزح جبال البسيطه غير ربي ذا الجلال = ولاّترى عبده بده مخلوق سلم وستلم