سلام يا اهل الطيب واهل الشهامه = ردة وفاء ترقى على كل هامه
من شاعرٍ لا قام ينقد كلامه = يالله على بابك يا فتاح الابواب
يا سلامي سلام يزيل كل الهموم = من رجال تمد الطيب بايمانها
يا عميلي تقدم هات جزل العلوم = ومايجيب الجزيله غير عمانها

يامرحبا ترحيبة البدو للسيل = في حلة عتيبه هل المجد والخيل
أقلط على اللي بهروها من الهيل = يالله على بابك يا فتاح الابـواب
من يجي حلة أهل الخيل قلبه عزوم = والعرب تفرح بمسيار جيرانها
جيت جعلك بجيتكم تسد اللزوم = والمعاني ياتركي عطني سمانها

المشاركة الأصلية كتبت بواسطة خلف بن مرزوق الله الله حيااااك الله ياتركي وصح لساااانك لاهنت يبوتركي وصح لساااانك يالذيب ولاتبات وانت جيعان يالذيب:) وازهل الصف

دام البقا والطيب بين الرجالي = لاشك يالعتبان وانتم خوالي
لكن سوق الكيف صفر الدلالي = يالله على بابك يافتاح الابواب

جيتكم نجم واضح من بدود النجوم = من نجوم الثريا شوفها عانها
ياعتيبي خصيمك من رجالٍ قروم = وحملتك يالعتيبي ابرك وزانها

الطيب للي يعرفون المواجيب=مايقفلون الشبك والشبك به ذيب
واللي يود العلم لابده أيجيب= يالله على بابك يافتاح الأبواب

ذيب دخنه يقوم ونوب عيا يقوم = كيف ذيب الخلا عود مثل ضانها
قصة(ن)جات ماهي للقبايل سلوم= يوم كل القبايل حرب في لسانها

جينا نكمل واجبك يالعتيبي = والا انت تطري لك شبوكٍ وذيبي
حنا الحروب مدلهين الغريبي = يالله على بابك يافتاح الابواب

فيه رعيان مال وفيه شيخان قوم = وجابتك يالعتيبي عند رعيانها
مانصدق عتيبي فالمجالس يهوم = هرجتك ناقصه ما اثبت برهانها

أنكمل الواجب ولاأنته أمكمل = لاكن في علمي تراني أمصمل
وليا بغِي منا جماله أنجمل = يالله على بابك يافتاح الأبواب

فيه فرسان قوم ولا يبون الرخوم = والأصايل ترد القوم فرسانها
والعتيبي يبا يفطر علاك (أو) يصوم = مانت باللي يتل الخيل بعنانها