سلام ردّيه شذاها فاحي=والشعر برقه في خياله لاحي
من فيكم اللي مايعرف مناحي؟=ولا ضاع حق ً من وراه مطالب

نبي لنا شاعر يغلّق فالطلب=صدري من البارح يغيض ويمتلي
والشاعر اللي تعرفه كل العرب=كل العرب ترمي له السان الطلي

اليا حضرنا ساعه ايطيع الصعب= سوق الغلى ياصاحبي دايم غلي
حنا نعرف الروس ونعرف الذنب=ابشر بعد بلسان والمخرج ملي

ياللي هبطت السوق دوّرللذهب=سوق الذهب ماله شكل ماله حلي
وان كان هم كثروا قليلين الأدب=ياجعلهم لا أهلْك ولا هم من هلي

حنا نبيع ونشتري حسب الطلب= اجنيه سد اجنيه والمخبا ملي
ربعي وربعك من رياجيل الحسب= اعرف وش الك اليوم واعرف وش الي

تدري من اللي قال حامض ياعنب=الي تنوش له وجاك محوّلي
النار تالع يالعتيبي فالحطب=ياكبرها قمت تشب وتصطلي

اثر المطيه شر لاجاها الجرب=من حر ماتنوس تلقا للخلي
ان ولعت لايحرقك صلو اللهب=خطرٍ على جسمك بعدها ينحلي

ياصاحبي مافيه موت بلا سبب=اخذ الصراحه والله الوالي ولي
اثرك ماتونس ليا اكلت المطب=يالموتر اللي بالعفوش محملّي

هاذي حقيقه مير طعني وانسحب= افهم كلامي زين كانك تجهلي
يابو سبيته قدمك كبار الرتب=جاك الجزاء واطعم جزاي مفلفلي

كبتن مناحي ماحسب لا اطلق شنب=فعله ظهر في يوم ميحات الدلي
مامثله الا الاصمعي راع الادب=اللي نظم (صوتُ صفير البلبي)

ماتاصل الحروات يديٌن العضب= قد قالها الي فالزمان الاولي
اليا عطيتك بقس مع خمسة ركب=لابد ماترجع لشرع الحنبلي

ياصاحبي للاه للاه العجب=منته منزل قدري اللي معتلي
وان كان بتهاوش معسّفة الصعب=الارض من تحتك شوي تزلزلي

ماتدري انه لاحقك بعض العتب=تلحقك شرهه من عتيبي وهذلي
امفرق اخوانه عن اخوانه هرب=اشعيل لاشاف الذيابه يجفلي