يا ذياب ما نته ذياب اللي عليه الكلام= اذياب شلفاه دايم ضربها في لحم
اللي يبا حج بيت الله يلبس حرام=ولا ترى الحج باطل لا يطب الحرم

يامكثر أعلومكم لكن رد السلام=قدام تبدا العلوم اللي تحس العظم
أنصح بها ناس ماتعرف صلاه وصيام=ذياب قد حج بيت الله يامحترم

لا تلتفت يا مصلي قدم عينك يمام=خلك مثل ما يقولون العرب ملتزم
انصحك ياللي تليمها حلال وحرام=قدام ياصاحبي تاقف بريع الندم

أيمامنا من بريده عن صلاته ينام=ومطوعن من بريده لا يرز العلم
ان طعتني خلها تسري بحسب النظام=قدام قدام نوصلها لفرك الخشمِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِِ

ماني مطوع بريده يالعين الرسام=لكن قدام لا اسميك على شحم
حنا ركبنا الاشده وانت فوق المسام=واليوم تنفخ علي وبرطمك منشرم

يالفالح ذياب عاقبته عيال الحرام=اللي لا تقرى ولا تكتب ومعها قلم
الحر الاشقر ماينزل فوق طير الحمام=خل الحمامه تغني فوق غصن السلم

ياللي تشكوى على الفالح رفيع المقام=روح اطرد معاملتك اليا استلمت الرقم
الحر الاشقر على راسك من العصر حام= والحر يطرح عشاه من الحجل والرخم

يبا يصرف على شان الردي مايضام=نقصدك وتلفها للناس هذا ظلم
حرك هذا مايحوم ألا بوقت الظلام=الفار من مخلبه فالليل ماقد سلم

بيت الردي لا بناه ايصير فوقه هدام=انته تدورلها وتجيك على الزقم
ياجعل راع البيوت الناقصه للعدام=حنا نخاطب عرب ولا نخاطب عجم