سلام يالعتبان زان الليل=والليل يالعتبان من هو له
الشاعر اللي يعرف التحليل=يقرب هنيا نستمع قوله

يا مرحبا والليل فيه الويل=بالرجل لا من قدّم رجوله
حلحيل غنّى والهدف حلحيل=حبة عنب ما تخرب الجوله !

المشاركة الأصلية كتبت بواسطة فيصل الثبيتي سمّ يالداهية / يا مرحبا والليل فيه الويل=بالرجل لا من قدّم رجوله حلحيل غنّى والهدف حلحيل=حبة عنب ما تخرب الجوله !

دام البقى فيصل وشد الحيل=وكل ٍ على ماقيل بفعوله
ياصاحبي خلك على التهليل=علك تشيل الجمر بحثوله

افتل بيوت الشعر فتل الذيل=ما تبقى معيَ بيوت مفتوله
لو حوّلت ما تقبل التحويل=لكن شل البيت بحموله

ننقض بيوت الشعر نقض السيل=حتى تعوّد..قال مقيوله !
فيصل يدارجها على التعديل=واظاهر انها روحت مدبوله

لفّيت راس السيف بالمنديل=صادوك ناس ٍ خارج الدوله
يا شعيل مدري وشبكم يا شعيل=تبكون لو الحمل صاموله !!

ياصاحبي حملتك حذرا تميل=والسالفه ياصاح مقفوله !
انتو هل البارود واهل الخيل=واظاهر انها روحت فوله

طلعتها من داخل الزنبيل=ثم قلت لك ما هيب بمقبوله
ما فوقكم زود ٍ والا تقليل=مار استرح واخذ إلك تبوله

خليتها من شان راع النيل=لكن زاد الوضع بهتوله
فيصل علامك تجهل التعليل=المزح ماينفعك.. وش هوله

لا تندرق من تحت جسم الفيل=وعيون فيصل عنك مسؤوله
حنّا عتيبه جيل يتلاه جيل=امزوحنا بالسيف والطوله