سلام ياربعنا والليل غطلس فيه رعد وخيال = يرعد وفيه برديه من تقدم ياخذ حساباها
يا خذ حساب البرد والسيل يا خذ حسوته يارجال = حتى تزين السوالف والدعاوي يحفظ كتابها

يا الفالح اللي مشيت الدرب بالله ويش وسم الحلال = حتى نعرف المطيه يا ولد وانعرف ركابها
ما جيت للعد وارد جاهلٍ بالهمج والا الزلال = دربي واخبره وغيري كم ناسٍ تتعب ركابها

والنعم يا الاد عمي فعلنا عالي بروس الجبال = لاكن وَلَع فتيل الشعر والساحه فتح بابها
الجمه اخذتها وانته عليها لف لف المحال = يا كبرها من ظليمه كلمتك وضح لنا اسبابها

قردك ربي وجابك في جحيم(ن) بعد زين الظلال = اباخذ الحق بيميني ولو قومك بمشعابها
شمر وانا معك اشمر واحتزم مافيه جدٍ واخال = بنت الهوا ياعميلي من يجيها ياكله دابها

خل القبايل يمين وروح عنها يالمخرف شمال = بيني وبينك شراره ولعت مقرود شبابها
حلفت لااحشرك يالفالح لين اكسيك برقع وشال = قوم تعدى حدود القوم ناطاها على ارقابها

ختمتها يابن عمي مزح مايزعل عيال الرجال = انته وانا كلنا قوه لعزوتنا تقوابها
وختامها لك تحيه واحترامي ياكريم السبال = والله يعز الحكومه والعرب ويذل حرابها