الاوله سلام يالعتبان = والثانيه سلمت يمانيكم
درب النشاما غالي الاثمان = والطيب والله يفتخر فيكم

يامرحبا ياوارد اليابان = فالمنتدى ربي يحييكم
يازين علمي تسان علمك زان = عسا الردا ماهو حواليكم

يالمورقي ما جيت من لبنان = انا عتيبي من بواديكم
الطيبه في سلمكم عنوان = والا الرديه ما تدانيكم

أنته من عتابه رفيع الشان = لكن بأسمك كيف أناديكم
والا .. الحقيقه كلبونا أخوان = والطّيب ياعتيبي مخاويكم

يابن العتيبي كان يا ما كان = كان ابْوِ تركي في حراويكم
واليوم ماحدن في البلد سلطان = كثرت على الامه بلاويكم

يابن العتيبي والعلوم سمان = لاتختلف فينا هقاويكم
الحكم للي طّوع العربان = يوم السيوف الحدب في يديكم

حنا حكمناها ليا الصمان = ونجد ترعاها مواشيكم
تشهد مطير ومثلها قحطان = ان الفشل للي يعاديكم !

السيف وأهل الخيل للميدان = يوم (ن) عزوتنا عزاويكم
اللي منول يشرب الفنجان = اليوم يشرب من قهاويكم

المشاركة الأصلية كتبت بواسطة دستور الهيلا الله الله واصـــــــــلـــــواااااا كلكم دواهي يالثنين مــتــابـعــيــــن......

السيف مع عبدن على البيبان = ينثر على البطحاء دماميكم
تركدوا يا ربعنا من شان = يبقى لكم ذكرن فـ اراضيكم