ياسلام الله على الهيلا رياجيل الشجاعه=فعلهم معروف من وقت الجدود الاولينا
من يبا ياخذ معي طاروق مدة ربع ساعه=يحتم(ى) الميقاف ويسد اللزوم ولايلينا

البقا يامعدي المرقاب لك سمع(ن) وطاعه=كان جنبت اليسار وتمسك الدرب اليمينا
احذر البابور في موج البحر يغرق شراعه=وانت رجال(ن) نعدك واحد(ن) منا وفينا

كل رجال مكاتيبه تجي سبة يراعه= كان حبر القوم يغنينا عن اسيوف ٍسنينا
دام أنا وياك سدٍ يحتمي فيه الجواعه= اعتبرنا ما سلينا واعتبرنا ما جفينا

مايكفينا من الطيب مكاتيب وطباعه=الحقيقه يعلم الله ودي الخافي يبينا
والرفيق ذراعي الايمن سند يسند ذراعه=لو يزين الوقت والا لو ينحاس ويشينا

كان ما كفاك هذا فابشر بحسن استماعه= لين تصبح تالي الدعوى سمن فوق السمينا
الرفيق انشبهه كنه أخوك من الرضاعه= لو يطول الوقت ما ينسى جميل الطيبينا

احتزم وابشر ترى حزامي ثمانمية سراعه=والله انا مانجنب لين نقضي كل دينا
ماصفطت الك اللكاعه مير ودك باللكاعه=لو غبنا عنك يوم وليل حنا حاضرينا

أنت يا هذا الشمالي مالنا فيكم طماعه= قد قضينا قبل مدة وأنت تدري قد قضينا
كيف فار الدم من راسك بعد حال المياعه=وأنت رجال من أول مننا منته علينا

هب ياهالسوق ليتك ماعرضت النا البضاعه=والله انا عنك ياهذا الشويعر مادرينا
والميوع اللي سمعنابه عبر صوت الاذاعه=من كلامك يعلم الله شايفين وعايفينا

أنت لو بعلمك درب السنع مابك سناعه= وصفتك يا صاحبي مرهم على الخد المتينا
تالي الدعوى ترا ما عاد فيها أي شفاعه= قالها اللي قالها من داخل الحصن الحصينا

من يبا يتبع علومك وضياعه وضياعه=اثرك من اللي دهونه من دهون النارجينا
تالي الدعوى الحقيقه من شرى المقرودباعه=الجهاله عرق(ن) اقشر مايكب الجاهلينا

كان تبغى للحقايق جايزة فيك القطاعه= والمكان اللي احتواك أفضل له إنه يحتوينا
ثور هايج ما يناسب له مجاليس السباعه= والبداله طبع لازم من طباع الأهوجينا

انت طايح ثم طايح ماتعرف الارتفاعه=خذ كلامي والله انا يالالانا مستحينا
كان والله تنجرح جرح(ن) مايطلع فى الاشاعه=مير دور لك على قدك من اللي مبتدينا

أحمد الله من خثاريتسك ترا عندي مناعه=كانها وقفت علاكم كان ما زرنا وجينا
ما برع فالدخترة ياكود راعين البراعه=وأنت درب الراس مع عزوة بلي ولا جهينا