الاوله سلام واخص الرفيق ابن الرفيق=والثانيه ياليل طول وياشياطين اهجدي
يالفالح اطلب ربك المعبود فى البيت العتيق=وابعد عن اخفاف العقول ولاتقابل مبتدي

والثالثه يا مرحبا ترحيب بالطيب يليق=والرابعه يا نو خيًل يا معاصير اركدي
عز الله أبرك من مقابل صاحب القلب الفتيق= والعاقل اللي عن طريق المعرفه ما يحتدي

الك البقا ياشاعر(ن) عديت في قمة طويق=مد اليدين ونوش نجم سهيل وتنوش الجدي
لاتشرب الا جم صافي منبعه نبع(ن) عميق=اكبر جريمه خوة الطيب مع الوجه الردي

خابرك من ربعن ليا قاموا يردون الوسيق=انته وانا في حاضر الميقاف ضد المعتدي
يعنك من يفطر على شقفة بصل ما فك ريق=وليا نصانا مثلك وشراك ننصاه نعدي

من يعتدي مجنون لابده ليا جانا يفيق=رد الخبر رد الخبر علم هذاك الأجودي
قل يحمد الله قبل لايحمل حمل ماله يطيق=واشهد على ما اقول والله خير شاهد يشهدي

المشاركة الأصلية كتبت بواسطة الشمالي الغربي من يعتدي مجنون لابده ليا جانا يفيق=رد الخبر رد الخبر علم هذاك الأجودي قل يحمد الله قبل لايحمل حمل ماله يطيق=واشهد على ما اقول والله خير شاهد يشهدي

هذاك شاله يا وسيع المعرفه سيل العقيق=من يعترض للسيل ما يدري عن اقصاه يغدي
واللي بكبده غش تصبح من فعايلنا فحيق=مخايلن ربي منزلها صواقع وبردي

بلوى(ن) بلانا الله بها معترضة(ن) وسط الطريق=اما نسويها سليق او شوي والا .. لا.. ندي
الشعر ماهو شوت كوره شوت ويشجع فريق=الشعر فتل نقض والشاعر يعرف المقصدي