والبقا في هرجة ٍ موزونه جيب علمك جيبه = والعلوم الطيبه جبناها تاصلك موزونه
البحر به دانة ٍ مدفونه وانت لا تغدي به =يبتلش طلابها ماجاها دانة ٍ مدفونه

الوعل طق الجبل بقرونه ثم جاب امصيبه = راح وقرونه تسيل ادماها ياعذاب اقرونه
علمكم بيّن ولاتقرونه قبلكم داري به = خلها تمشي على ممشاها وانتبه تقرونه

إعرف اني ماقفي من دونه والرمي ما اخطي به= وان لقينا الكايده شلناها ماقفي من دونه
روحي بهاك المها مفتونه ماش شك وريبه = عاشقتني عشق من منشاها عانها مفتونه

الملحن ماتفيد الحونه عند ماننوي به = يبتلش فيها لياغناها ماتفيد الحونه
ياذياب الحق لاتخطونه تامر وتنهي به = قبل بقعا تاخذك برداها جعل ماتخطونه

كل باب ٍ عارف ٍ كيلونه ياسهل تخريبه = قلعة البيبان مانرضاها بابه بكيلونه
نعرف ان العلم غامق لونه واختلف تركيبه = نفسه المشقي ترى شقاها علم غامق لونه

ارفع الك الصوت ماتوحونه والخطا مالي به = كان ماتسمعه يابلواها كيف ماتوحونه
انت شاعر نيتك ملعونه والغلط ناوي به = العلاقه معك قطـّعناها نيتك ملعونه