ياهلا بالشاعر اللي من هجوسه زم حيله = مانقول ألا ونعم براعي الجنب السميني
والشهادة منك مقبوله ولو هي شبه حيله = سالمين ٍ منك فأولها وتاليها يبيني

أنت ياراعي المطيه جاك شيخ كن خيله = من وراك لها مشف ودونك لها رغبتيني
لاتخايل بارقٍ ماتقدر تربع بسيله = مار خل السالفه ياصاحبي بينك وبيني

وقتك الله يقطعه ساوا الكديشه بالأصيله = لين صارت شيخة اهل نجد ختم وشاهديني
وأنت خلك منشرح ياحليل مثلك ياحليله = إن زعل ماأحد بيمه وإن رضى مثل الحصيني

أنت غاياتك قريبه مير تبلشك الوسيله = وجدك بمشعابه أخذه ياعميلي لايجيني
والحبال اللي تعقد عارفين ٍ ويش هيله = ويوم يمناكم يسار يسارنا مثل اليميني