ياذياب لاتعطي الدنيا قفاك =وتقول أنا حر لو أرجع ورى
وان كان مالله على الزاااانة هداااك=تراااااك مجنون والسارى سرى

وراك صبه وترجع وش بلاك=وشراع مافيه والعالم ترى
ذياب لا جاك تعرف مستواك= وأنته صخيف ولا حولك ذرى

يالي تدور حقيقه هاك هاك=يامكرر القاف يامال الزرى
مانشتحن في زعلك وفي رضاك=وان ولعت ندفنك تحت الثرى

ياصاح عطنا بعد ربي عطاك=ياباخس السوق بيع ومشترى
لا تحسبن الاوادم في هواك=ماقدمك ألا مشايخ وومرى

وش جاك يالي تغلا ويش جاك=جيب العتيبي من الحق انفرى
مناك تاتي وأنا آتي من هناك=ياصاحبي ويش صار وش جرى

ذياب مايجهل أرضك من سماك=والعلم مفهوم واضح وجهرى
ياصويحبي لا يهمك ماعلاك=أسجد ولا أحدن يبا يدري ترى

لا عاد تومي مع السكه يداك= تراني أدرى بمثلك وأخبرى
في مامضا كنت أحنك من غلاك=واليوم ما بغا الخطيط الايسرى