فقدت جيرة واحدٍ مابه شكوك=شيخ تتوق اله العلوم الرشيده
ماهيب شيخة ختم وبشوت وصكوك= شيخة مراجل والفعول السديده
الله يصبرني على الجمر والشوك= ويعوضني جارٍخصاله حميده
ياسعود عمّك بابه اليوم مصكوك=شانت ركونه يومه اعلن شديده
واظلم وعتم واصبح الحال مضنوك=يادار حكم اللي علينا يريده
كم ضيّفوا يادار داخلك واحيوك=وكم سيّروا فبك السنين العديده
واليوم من عقب ارحلوا عنك خلّوك=حتى النخل يبس الخضر من جريده
ياسعود دام الليل بالصبح مشبوك=ابا اطلق جيوشٍ بصدري حشيده
جهّز لنا بنٍ مع الهيل محبوك=كيفٍ تزيل ابه الهموم الوقيده
وخلّك قريّب لاتبعّد وانا ابوك=يمكنّي اطلب منك دله جديده
واليا تفيّض مابصدري على البوك=وكتبت من جمر المعاني قصيده
هاك المضرّف داخله رسمة كروك=وانص الرياض لفلّة سعود سيده
واليا طلع عمك وبالطيب حيوك=سلم عليه وحب راسه مع ايده
وعطه المضرّف وسطه الفين مبروك=منزل مبارك للوجيه السعيده