صفوا الصف يالعتبان والصف لا صف=يبشر بشاعرن فنان فالشعر والوصف
ولا يوقف لنا اللي يرهب الرمي والقصف=جعل فالامر خير وجعل فالامر خيره

سلام رديتن من شاعرن لا لعب=يولع النار شعلتها ودخانها
الشاعر اللي لا شاف البحر ماينسحب=يقرب من الغبه اللي ثار بركانها

ياعتيبه ذياب يصيح قوموا افزعوله = يعتزي غير ماكن به رياجيل حوله
الركايب عسى ماهي بروك معقوله = جعل فالامر خير وجعـل فالامـر خيـره
يامرحبا وانت شاعر جيت حسب الطلب= يامولع النار لاتاكلك بلسانها
انا على كيفك الليله ولابه تعب = اسبح بحورالشعر واتعب على شانها

المشاركة الأصلية كتبت بواسطة ((الدلبحي)) ذياب _ ابوراشد الليل الليل الصفوف حاضره والجماهير متواجدين واصلوا تحياااااااااااااااااااااااااااااااااااااتي

الرياجيل ربعي مار ماتاقف ألا = ماقفن يرهب أعيونك وعينك تحلا
مار وش يدخلك فينا ياراع المكلا=جعل فالامر خير وجعل فالامر خيره

لو أشعم النار شبت فيك يابو لهب=في ساعتن ترمي الامهار فرسانها
لا والله ألا رماك الله بدرب النشب=شفت الذيابه تناظر فيك بأعيانها

جعل ربي يسلمك ويسلم ربوعك = تحسب اني ماعرفك زين واعرف طبوعك
بس حاسب تزعلني واكسر ضلوعك = جعل فالامر خير وجعل فالامر خيره
لوتشعم النار مابه شخص غيرك حطب = لاتفتي اعرف جميع الناس واديانها
اما ذبحك الضما ولا ذبحك التعب = المذبحه عانها والمقبره عانها

طبعي أنطح كبار القوم والعن جدفها=من رجالن كبار أبخوت وانت تعرفها
وأنت من كربلاء هاذي حصاتك وشفها=جعل فالامر خير وجعل فالامر خيره

مدري تعبد الحجر ولا تعبد الخشب =حنا صلاتك عرفنا خافي أركانها
وأنا تراني ماظحي غار باطلق شنب=اليا نشب راس مزنه عند كرعانها

المشاركة الأصلية كتبت بواسطة ((الدلبحي)) ذياب يعيش راسك ياغالي ابوراشد تسلم واصلوا تحيااااااااااااااااااااااااااااااااااااتي

يالله انك تدل اللي تعرقل طريقه = لين ضاق نفسه واصبح يجاوب بضيقه
مابقا الا يكفر ولد عمه شقيقه =جعل فالامر خير وجعل فالامر خيـره
ياللي سريت انتبه قدمك ملف ومطب = لاتهضم حقوق ناس معتلي شانها
وشرايك العب معك بيلوت ولا طلب = ونحط بنت السبيت وناخذ خوانها

يالله أنك تعين اللي تشرق بريقه=قام يكسر بيوت الشعر من قو ضيقه
حاشره وصط حوش وحاشره في حديقه=جعل فالامر خير وجعل فالامر خيره

ياللي توصي دليله في ديار العرب=حنا نعرف الدير ونعرف ضلعانها
ألعب وانا ألعب ولكن بقس ولا ركب=من حول نارن تطامرنا بميدانها

يالله أنك تعين اللي تشرق بريقه=قام يكسر بيوت الشعر من قو ضيقه
حاشره وصط حوش وحاشره في حديقه=جعل فالامر خير وجعل فالامر خيره

ياللي توصي دليله في ديار العرب=حنا نعرف الدير ونعرف ضلعانها
ألعب وانا ألعب ولكن بقس ولا ركب=من حول نارن تطامرنا بميدانها

ياذياب انت غير الناس نهجك وطبعك = اركد شوي والموضوع بيدين ربعك
الخطا مانحبه ضدشرعي وشرعك= ============================
الله يسامح زمان العولمه والعجب = مايبلش الناس غير علوم ورعانها
اللعب لهله وللنادي وللمنتخب = اترك هزال العلوم وقلط سمانها