قصيدة ترحيبية لمنتدى قبيلة عتيبة
 

بسم الله الرحمن الرحيم


هذة قصيدة ترحيبية متواضعة كتبتها لمنتدى قبيلة عتيبة وهي تعبر عن نفسها وأقول فيها:


يا منتدى العتبان مسيت بالخير.............. اهلاً هلابك عــــــد وبل السحابـي

اهلا ًهلابك عــد ما طار مــن طير................ شفتك على الشاشة وهيضت مآبي

وأطيب تحيــة للعتيبــي بتقديـــر.............. أن اشهد انــــة يوم سواة اصابــي

أسـس اركونة يا جماعـــة بتدبير............... يجزاة رب الكـــون اجر وثوابـــي

انــشاة للعتبــان مهــوب للغيـــر................. كــــلاً عــــن التاريخ دور وجابي

أصبح لنا فـــي موقع ألنت تنوير............... يحكي عــن الماضي وماكان غابي

واخر كلامي عذركم كــــان تقصير............ يـالله دخيلك فــــي نـهار الحسابـي





مع تحيات اخوكم
ابن مشيب

فارس
 

صح السانك وطول الله عمرك
شوف قصيدة رثاء هذه قبيلة حجازية نجدية وهي قبيلة العتبان

بيض الله وجهك وصح لسانك...............ز

صح الساااااانك يابن مشيب انشهد انك قرم ولد قرم ...

اخوك روق...

اخوي فارس العتبان صح بدنك وقصيدة الرثاء في وفاة سلطان بن جهجاة رحمة الله قرأتها وهي موجودة في القسم العام واشكرك على اهتمامك بهذة القصيدة المؤثرة وكتابتك لها مرة اخرى في هذا القسم.

اخوي لــيــل مشكور وصح بدنك ومشكور على الملاحظة.

صح بدنك وما عليك زود اخوي روق وتشرفنابك.

صح لسانك وبيض الله وجهكم


وانا مجرد واحد منكم ترجم فكرتكم الى واقع
والفضل في أعضاء المنتدى بشكل عام


واعيد اقول صح لسانك

صح بدنك والفضل بعد الله لك اخوي العتيبي وكثر الله من امثالك.

لا لا لا لا لا لا
 

قصيده حلوه يابن مشيب وتسلم




الشمس
ودمتم

مشكور يا ذو الخمار

صح السانك ابن مشيب

قلت الشي اللي في صدورنا بصدد هالموقع

بيض الله وجهك

ابن مشيب

كني انا اللي قلت القصيده جابت اللي فالخاطر كله

بيض الله وجهك

وسلمت يمناك

اخوي ابن عاصم صح بدنك وعلى ماقل المثل القلوب شواهد ومثل ماقلت انا عبرت عن فرحت الاعضاء بالمنتدى ومشكور والله يعطيك العافية.

صح لسانك
 

صح لسانك على هالابيات

مشكور
 

صح لسانك يابن مشيب

صح بدنك والله يعطيك العافية ياخوي ^المقاطي^.



صح بدنك ويامرحبابك ياالعتيبية والله يعطيك العافية على كلامك.

صح لسانك أخوي بن مشيب

والله يعطيك العافية على الأبيات الأكثر من رائعة

تحيــــــــاتي

أخوك الجعيد

انا ذو الخمار مش ذا الخمار وتراكم ابلشتوني بهذا الاسم تكفون قولوه مره عدل
اخي الشيباني مرحبابك انت ابن عم اولا وصديق ثانيا بس كيف اقرء الرساله الخاصه اللي تقولها تراني جديد بالمنتدي وما اعرف كيفية قراءتها

اخوي الجعيد صح بدنك ومشكور والله يعطيك العافية.

الله يعطيكم العافية جميعاً.

اخي الغالي ابن مشيب ..
صح لسانك قصيده جزله مثل شاعرها ..
الله لايهينك ومنتدى العتبان يستاهل الكثير الكثير عنهم ..
حنا الشباب الواعد نحي تاريخ عتيبه الهيلا من العلوم الطيبه التي لاتخفيكم ..
والى الأمام وعلى بركت الله سيرو ونحنو معكم قلباً وقالبا في سبيل رفعت المنتدى الشامخ بأسمه ..
تمنياتي للجميع بالتوفيق ..
ابن عمك ..
بركــــــــــــــااااان ... عتيبه ..

اخوي بركــــااااان الله يسلمك ,والبركة فيك وفي الاخوان , ونحن لن نذخر شياً عن منتدى عتيبة , وسوف ندفع العجلة للامام , حتى نعطي عتيبة الشي البسيط مما اعطتناة , ومرة اخرى اقول الله يسلمك , والبركة في شباب عتيبة الغيارى.

وتحياتي لك:
ابن مشيب............الشيباني العتيبي.

ابن مشيب
 

هلا بك

صح لسانك يالقرم
قصيدة جزله من جزل
لا هنت


وتحياتي لك

السلام علاكم ....




يا اخوي ترى انت اعجبتن بشعرك ولكن انتبه كثير الإنتباه ..





هنالك ملاحظة كبيرة جدا جدا جدا جدا جدا في البيت الخامس ..




مع تحياتي لكم



الســ@ــواط

اخوي اخو هملا , صح بدنك ولاهنت وما عليك زود , وهذا من لطفك.

وما اصبحت القصيدة جميلة حتى مريت عليها ياخوي اخو هملا.





اخوي الســ@ــــواط , وعليكم السلام , وهذا من حسن ذوقك.

البيت الخامس يقول:
انــشاة للعتبــان مهــوب للغيـــر................. كــــلاً عــــن التاريخ دور وجابي

وانا قلت هذا البيت لان اسم المنتدى منتدى قبيلة عتيبة , ولاتشركها اية قبيلة في هذا المنتدى.

وملاحظة جميلة وطيبة منك.








وتحياتي للجميع:
ابن مشيب.....................الشيباني العتيبي.

يا منتدى العتبان مسيت بالخير.............. اهلاً هلابك عــــــد وبل السحابـي

اهلا ًهلابك عــد ما طار مــن طير................ شفتك على الشاشة وهيضت مآبي

وأطيب تحيــة للعتيبــي بتقديـــر.............. أن اشهد انــــة يوم سواة اصابــي

أسـس اركونة يا جماعـــة بتدبير............... يجزاة رب الكـــون اجر وثوابـــي

انــشاة للعتبــان مهــوب للغيـــر................. كــــلاً عــــن التاريخ دور وجابي

أصبح لنا فـــي موقع ألنت تنوير............... يحكي عــن الماضي وماكان غابي

واخر كلامي عذركم كــــان تقصير............ يـالله دخيلك فــــي نـهار الحسابـي







صح السانك يبن مشيب



وبيض الله وجهك



تقبل تحية اخوكـ

الله يازمن

انتم من وين نبشتوها , تصدقون عاد اني نسيتها لين شفتها هالحين , مشاء الله عليكم , ماتخلون دابه في جحرها |195|

صح بدنك يامتعب , وانت الي نبشتها جعل تنبشك العافية :) ووجهك ابيض




تحياتي

اثرك شاعر يابن مشيب


صح لسانك مليون


مبدع الهيلا بوجودك ووجود الغالين امثالك


تحياتي

تسلم على هالمجامله اللطيفة , وبالفعل هذه القصيدة , نظمتها فرحاً عندما رآيت المنتدى , وهو اول منتدى للعتبان على الشبكة العنكبوتيه , وكنت مسرور ومتواصل فيه , بدرجه لاتوصف , ولكن مع كبر السن , بدء يقل النشاط , يالله في حسن الخاتمه |204|

والمشكلة يابومحمد اكثر قصايدي غزل , ومطوع المنتدى |203| يدور علي كل هسه , مار سرها يابومحمد , لايهجدنا ثم نصير خارج التغطية |40|



والله لايهينك يابومحمد على كلامك الجميل



تحياتي

صح بدنك يامقعد , ووجهك ابيض , والخير والبركه فيكم , لازلنا تلاميذ في مدارسكم , ومرزوق يبي يجك خبره من مطوع المنتدى |52|



واشكوك على مرورك وردك الكريم


تحياتي

صح بدنك مليون ولايكفي , ومنتدى الهيلا شهادتنا فيه مجروحه




تحياتي

صح بدنك ياخلف , واشكرك على شعورك وإطرأك الجميل , والله يقدرنا على اثراء المنتدى بكل مفيد




تحياتي

مستشعر ولست شاعر |176|


وصح بدنك مليون , والإبداع في تواجدك يابومنيف



تحياتي

الجائزه هو تسجيل حضورك هنا يابوتركي , واشكرك على ماتفضلت به من مديح وثناء , وابادلك الشعور يابوتركي , واتمنى ان اكون عند حسن ضنك



تحياتي