أبديت انا هاجوس قلبـي بقيلـي=ما هي هواجيس القلوب الهبايـل
هرجات ماهولس بهـن الهبيلـي=مثايل من رمعـة العقـل قايـل
دخيل كان انك لهرجـي تشيلـي=هرج(ن)يدل اللي يتيـه القوايـل
ياصاحبـي وداعتـك يادخيلـي=ودعتك اللي ما يبـوق الرسايـل
خويك اللي بالخـلا لـك وكيلـي=لو زل عنـدك زلـة لا تسايـل
واحذرك عن رفقة خطاة الرذيلي=ما ينبذر باللـي يغـط الجمايـل
صديقك اللي قبل جيلـك وجيلـي=صديق جدك بالعصور الاوايـل
لا تطيع به حكي العرب والنقيلي=عدّل معه شيله الى صـار مايـل
وعدوك اللي بغض جده محيلـي=تأتيك لو صافـاك منـه النقايـل
وافهم ترى باقي العرب ما يضيلي=يا صاحبي ما غير ربعك صمايل
اصبر تصير بعين ربعك جليلـي=صبرك يجنبك الدروب الرذايـل
الصبر يودع باب حظك طويلـي=وخل الهبايـل تايهيـن الدلايـل
ياصاحبي حذراك بالـك تعيلـي=ارتك على العاقل الى جاك عايل
ياصاحبي حذراك تنسى الجميلـي=ولا تنفع اليمنـى بليـا شمايـل
الكد يصلح بالحصـان الاصيلـي=اللـي يهـدد بالجيـاد الاصايـل

safar

الله يعافيك وصح بدنك


ومشكووور على مرووورك الكريم


تحياااااااااااااتي