يالمسري قوم وأجلس وبعدين أستريح = والعلوم الطيبه من يجيب أخبارها
قالوا أهل العرف لا ما يصح إلا الصحيح = من يجي فيمين دار ٍ يعرف إيسارها

المشاركة الأصلية كتبت بواسطة ماجد الهذلي السلام عليكم ورحمة الله وبركاته قاف على عجل يالمسري قوم وأجلس وبعدين أستريح = والعلوم الطيبه من يجيب أخبارها قالوا أهل العرف لا ما يصح إلا الصحيح = من يجي فيمين دار ٍ يعرف إيسارها

ليش اقوم وماش حربٍ ولا صايح يصيح=والقدم ماتتعب الا على مشوارها
قالوا اهل العرف والعرف للقاضي شريح=كل لحيه يالهذيلي لها مقدارها

بعد طاح النو وشبك تقلي ما يطيح = قوم شب النار والقوم شبت نارها
ايتولم خاطرك.. والفصاحه للفصيح = عقدة النجار تنحل مع نجارها

لا اصبح الوارد ما يلقى بعدّه مايميح=ليش اخيْل المزنه اللي تهل امطارها
كل ليله ياولد ناطحٍ مهباب ريح=مير وش حصلّت من عجها وغبارها

ديرة ٍ والسيل فيها يبا ينقح نقيح = ما نز ثياب بزرار غير أزرارها
كان سدك باح بالعلم سدي ما يبيح = ما تطير الطايره غير مع طيارها

انت ماجاوبتني في سؤالي يالمليح=ياوجودي ياعتيبه ويا شعارها
تحسب انك فزت يالصاحب بكأس المديح=وانت ماوزّنت بنْدقْك حسب عيارها

كيف ابا أعطي مال والمال ما يعطى شحيح = وإن عطيت ريال صرتك شد أصرارها
بعد ما روحت والدم ينزف يالجريح = والخيارات أربعه وألتقفك خيارها