يا سلام وياسلامن مثل ضرب الحديد=يوم اقوله يا جماعه وكلن يسمعه
جيت للهيلا وابا افيد والا بستفيد = يوم صار المنتدى كل شاعر يجمعه

يا هلا يا مرحبا كل فارس يستزيد = من بعد طماع منته محصل مطمعه
في حلال أهل الوفا عطني العلم الجديد = كل شاعر يعرف العلم نعرف وش معه

انشد اهل المنتدى وين حماي البليد = يوم كلن قام يهرج ولاحدن يمنعه
اله مده ما ظهر والله اعلم وش يريد = هقوتي يبا يعوّد ويبني مصنعه

المدرس ناشدينه وقال إنك معيد = وزملاك الكل يمك يأشر بصبعه
بارك الله فيك وأمداك بالعمر المديد = من رجب فا العام الأول ليا شهر أربعه

امتخرج يالهذيلي وانا عندي رصيد = انت وش عندك تلفلف بوسط المعمعه
السؤال ان كان ماله معك علمن مفيد = خل غيرك ينشد الشيخ والا يرجعه

من عصير يبين ليل النهار إن كان عيد = والعلوم الواضحه دايم فدرب السعه
أعطني علم ٍ وكيد ٍ ولك علم وكيد = والطيور تطير وألا تجيك موقعه

الشعر ميراثنا وانشد انشد عن دريد = يوم شيخك يالهذيلي يمسّح مدمعه
صاحبي ماله شبيهٍ ولا له من نديد= اسألوا عين العقل هو ينام بمهجعه

يا عميل الخير منته شقي ّ ولا سعيد = والشيوخ إلهم مسالك ومثلك يتبعه
أعتدل في مشيتك لا يجي مشيك فحيد = لا تدور شر وأنته ما تقدر تدفعه

مادرينا عنك والله يا ابليس المريد = نفقع عيونك بالاصبع وخشمك نزمعه
ابك انا امن امس اعلمك لكن ماش فيد = بس عقل الآدمي يا عرب وش يقنعه

يا مسولف وأنت لسالفه عم ٍ وسيد = لو زرعنا من يبا ياخذ اللي نزرعه
الله أكبر بعد ما جاك سيف ابن الوليد = كل نار من زنود الرجال مولعه