سلام الله سلام(ن) من غلا ياربعنا الغالين=على الأقصين والأدنين ويخص المواليني
الا يالقاضي انته قضوتك هي عرف والا دين=يقولون الرجال الحق مايرضي خصيميني

هلا يا مرحبا ثم مرحبا ثم مرحبا وهلين=هلا يا شاعر (ن)في منتدى الهيلا تناديني
انا لي قضوت(ن) عند العرب منها تقر العين=بعرف ودين يا رجال ترجح بالموازيني

يدوم الك البقا واصل الوفا من عادة الوافين=واناخابرك وافي من سلالة ناس وافيني
وانا مااقول فيك أخلاف لاسابق ولا هالحين=ويابعد المسافه يارفيقي بينك وبيني

وانا خابرك من ربع(ن)على سلم العرب ماشين=خوالي تاج راسي عزوتي فالعسر والليني
تقوله يالشمالي مير في علمك هذا علمين=لكن افهم كلامي يالشمالي يوم توحيني

انا خابرك رجال(ن) ذهين وتردع المخطين=تحب الزين من عادتك دايم تكره الشيني
لكن اشوفك الك ايام تلعب لي على الحبلين=تواعدني وتخلفني ماشفت اللي تمنيني

وجودك فالمواقف يالشمالي مثل سد الصين=يشب النار ميقافك على كبود المعاديني
لك الله ما نسيتك يالشمالي مير للي يومين=من المصحف عن الاجواد اطلع فالمجانيني

عسى الله مايهينك مير قلي وين دربك وين=ترى كثر المدايح يارفيقي ماتنسيني
ومادام انك مطوع سمع لأنفال مع ياسين=وبعدها اعطيك مني سورة(ن) مابين قوسيني