عسى السحاب اللي على ( كان ) يافهيد = من غرب يجتاحه رياح شديده
واليا تقافا كنه الريم شريد = مايعترض ممشاه ريح تصده
ابيه يطمن يم دار الاجاويد = واول هماليله على سيف جده
ويمتدله من سيف جده تماديد = ويركد هواه اليا قرب من مصده
شمال من جده لحزم الجلاميد = وجنوب من جده شرورة تحده
مدة كريم مال جوده تحاديد = واليا عطى مايقدر احدن يرده
وابيه يسقي نجد من غير تفنيد = ماكفته ريدا إلى المستجده
واليا غدا الارقاب نبته عناقيد = مافيه الذ من الرخا عقب شده
يطيب كيف مخازرات المفاريد = اللي لها بقلوب اهلها موده
وضح ليا اوحت للمودة زغاريد = قامت تعوج ارقابها للموده
وإن صادفت محدار والا مسانيد = دايم وهي للاوله مستعده
وإن صار محش جنوب والا تواعيد = والا هجيج يتبعه طول شده
محصان عندي سبقته كنها العيد = ونبا نعد الها من اليوم عده
بوضحن تباري كنها ذاير الصيد = ماتقضب المقطاره المسمهده
اللي يجيك مزايدة فيه تزويد = ان زاد زدله وان تراجع تعده
واللي يوسد حامض العلم توسيد = ماعاد اله مشروة لو جاه ضده
الله على قدام بعد وتباعيد = من يقضبه في سهلة مجرهده

عسى السحاب اللي على ( كان ) يافهيد
مـن غـرب يجتاحـه ريـاح شديـده
واليـا تقافـا كنـه الـريـم شـريـد
مايعتـرض ممشـاه ريــح تـصـده
ابيـه يطـمـن يــم دار الاجـاويـد
واول هماليلـه علـى سيـف جــده



ياعنك والله مايستاهلونه اهل كان على فكرة كان مدينة فرنسية وتعتبر من اهم وأكبر المدن السياحية بفرنسا

صح لسان شاعرنا الكبير المتألق دائماً عبدالله بن عون

وتسلم يدك يالنويري على نقلها

المشاركة الأصلية كتبت بواسطة ابو قلبً عطيب عسى السحاب اللي على ( كان ) يافهيد مـن غـرب يجتاحـه ريـاح شديـده واليـا تقافـا كنـه الـريـم شـريـد مايعتـرض ممشـاه ريــح تـصـده ابيـه يطـمـن يــم دار الاجـاويـد واول هماليلـه علـى سيـف جــده ياعنك والله مايستاهلونه اهل كان على فكرة كان مدينة فرنسية وتعتبر من اهم وأكبر المدن السياحية بفرنسا صح لسان شاعرنا الكبير المتألق دائماً عبدالله بن عون وتسلم يدك يالنويري على نقلها

المشاركة الأصلية كتبت بواسطة ابـن نـعـيـس صح لسانك ولسان ابن عون تحيااااااااااااااااتي

المشاركة الأصلية كتبت بواسطة هبوب الريح صح السانك و السان الشاعر ابن عون

المشاركة الأصلية كتبت بواسطة نايف الحويماني الاخ النويري يعطيك العافيه وصح لسانك ولسان ابن عون ولي ملاحظة على الكتابه والنقل وليس على القصيدة وانا ادري انه خطاء غير مقصود والملاظة .. هي على عجز البيت الاول وحسب سياق القصيدة . وشكرا مرة اخرى اخوك الحويماني

المشاركة الأصلية كتبت بواسطة المسرّي قصيده رائعه من شاعر كبير

المشاركة الأصلية كتبت بواسطة مرزوق العتيبي ... .. . صح لسان الشاعر العلم ابن عون.. واحسنت في حسن اختيارك ....

المشاركة الأصلية كتبت بواسطة حمودي مصده صح لسانك ومشكور يالنويري على هذه القصيده الرائعه وياليت تكتب لنا قصيدة الشاعر عبد الله بن عون في بلدة مصده