شاهدت لي مخلوق يمشي على الشـط=
ياليتنـي ماجيـت بحـره وشـطـه =
صدفه وأنا ماشي مسيـد مـع الخـط=
طلعت مـن خطـي وخشيـت خطـه =
القلـب تـاق ومـن معاليقـه أنمـط=
مالـوم لوصـاب الشراييـن جلطـه =
لولاي متحكم فـي الضبـط والربـط=
لحط لي في سجـل الأحـداث نقطـه =
وقامت تهـوس بمشيهـا كنهـا البـط=
والأ حشاء ماهي علـى شكـل بطـه =
ريميتـا ماشفـت أنـا مثلهـا قــط=
ماكولهـا عشبـه ومقيالهـا أرطــه=
أقـوم وأجلـس وأرتجـف وتمـغـط=
ولوهـو بكيفـي كـل عالـي لنطـه =
أقفـت وأنـا فـي كـل هـم أتخبـط=
حصلت لي من مرت البحـر خبطه =
أسرح مـع الهوجـاس وفـر وغـط=
انشهـد ان الحـب بلـوى ورطــه =
وغابت علي الشمـس وأشيـل وحـط=
والزيـن راح وشـال قلبـي وحطـه =
وغبطت ناسا دوبها الأكـل والـزرط=
قضيت وقتي ياهـل العـرف غبطـه=
بعض البشر عايش على الهلس والخرط=
ياصغر زوله ميـر ياكبـر خرطـه=
ماشـوقـه راع الجـديـل المـشـط=
ولاذاق من لوعات الأحبـاب عرطـه =
وأنا حياتـي كلهـا سـط فـي سـط=
أخذت لـي ضربـه ولكمـه وسطـه=
من شافني قال أنـت وشبـك مجنـط=
قلت الحياه ظـروف وأحيـان غلطـه=
قبلتهـا مـن دون قـيـد ولاشــرط=
هـذي حياتـا كلبـوهـا عونـطـه=

بناخ العود