يالله ياغفار من كل سَيّه =أجعل لنا عطفك ولطفك نهايه
يالواحد اللي مطلع فالبريّه=عينك على سر البريه مرايه
شكوى على غيرك ملام وخطيّه =وغوايتٍ ياكبرها من غوايه
يارافع البلوى مجيب الدعيّه=رجواك مطلوبي وعفوك ذرايه
تنجي غريرٍ ماكسب له جنيّه= أنت الرجاء وانت الولي والحمايه
يامقرن المكتوب حقٍ عليّه=لعل لك من عند ربي عنايه
حفيت بنا الأقدام روحه وجيّه =أنته وأنا بذّو خفاك وخفايه
لو الشفاء والعافيه في يديّه=وقّفت من شانك عناك وعنايه
وقّسمتها قسمة خوي (أ)لخويّه=ونصّفتها مابينّا بالوفايه
ربعي ذوي مورق حماة الونيّه=وأن قلت ياعزاه قالو كفايه
حنا لنا شمسٍ منيره وفَيّه=نهوى طواريق الشكاله هوايه
وحنا لنا جزعه وفينا حمَيّه=الضلع ماتخفي مواريه حايه
وحنا تعدّا يمنا الشاذليّه=والفعل يبقى للمفاخر روايه
ناطا على الكايد(أ)خطانا جريّه=ونلّحف الهزلان حيد العبايه
حنا ليا هبت هبوبٍ سنيّه=أصقور تْكفينا ألأشاره وصايه
ربعي ظلال العز في كل هيّه=ألقاء بهم ماقف وجيره وغايه
يثنون يوم الزود فالجاهليّه=وفالدين مايرضون كسرة عصايه
مايوفي الماجوب راعي رديّه=وأذكر فعايلهم وينور سمايه
وختامها صلو صلاةٍ زكيه=على شفيع الخلق راع الهدايه

المشاركة الأصلية كتبت بواسطة مشاري الروقي صح لسانك يابو تركي ولاعد مناك

الايداء 1

ياعصابة راسي

تسلم ياملك على النقل الكريم وسلمت يمينك

حفيت بنا الأقدام روحه وجيّه
أنته وأنا بذّو خفاك وخفايه

صح لسان قائلها عزالله ان ابدع في سكب القصيدة ياويلي عنه من صدوف الايام عز الله بذو خفاهم يالله انك تكون بعونه يالله ....

المشاركة الأصلية كتبت بواسطة ماجد الهذلي الإيداء قصيده جزله ويا ليتك تعطينا أسم قايلها ونعم فيه وفيك تحيااااااتي