عريس متعقد من الزواج ومن الحرمة
 

قصيدة فكاهيه لعريس معذبته حرمته


قال العزوبي يوم شـاف المعاريـس *** الرابـح اللـي لاقعـد مايقـومـي

أول سنـة كـلٍ يبـث الاحاسيـس *** وثاني سنة تجلب عليـك الهمومـي

وثالث سنة حط الرمـل والمتاريـس *** لابد مـن حـربٍ تقـوم وتدومـي

لامن دخلـت الـدار لاكنهـا بليـس *** متلفلـفٍ فـي غاليـات الهدومـي

تأخذ من المخباة وتسحب من الكيس *** وتغيـر الموديـل شـيٍ لـزومـي

وان قلت ما أملك يامره لوهو فليس *** قالـت تديّـن لا تكـثـر بلـومـي

ليتك تساعدنـي تصحـح كراريس *** زادوا علينا أربع حصص في العلومي

أزوارة في العصر والصبح تدريـس *** والليـل تصحيـحٍ وودي أنـومـي

تبكي إذا جاها وجع لوهـو ضريـس *** وتقول أبي دكتـور ماهـو حكومي

يروح عمرك بين عرسٍ وتأسيـس *** واربـع سنيـن والبزاريـن كومـي

وسط المطابخ بين قـز ومحاميـس *** هـذا صحـن رزٍ وهـذاك ثـومـي

والا خلصـت إمنظـفٍ الملالـيـس *** جتك تقول انهـج نبـي زود لومـي

ولا جبت قالت اكنس الحوش تكنيس *** خل البلاط يصيـر مثـل النجومـي

ومكرسٍ جهدك من الخوف تكريـس *** وان نادتك بالصوت اقبلـت مومـي

يجيك تـال الليـل دايـم كوابيـس *** ويشيبنـك مزعـجـات الحلـومـي

تعيش يالمعـرس حيـاة المحابيـس *** وشف العزوبي بكل شارع يحومـي

من مفرق جلاجل إلى جوي للخيـس *** وان حار حايرهم بوسطـه يعومـي

يفرح إذا شاف الوتـر والمراويـس *** وفي كـل يـومٍ كاشـتٍ ومعزومي

شف العزوبي مايعـرف الهواجيـس *** ولا يـودي حرمتـه كـل يـومـي

يا عنك ماحاش الفخـر والنواميـس *** الا عزوبـيٍ يـعـرف السلـومـي

اذا اعرس المعرس غدا عندنا هيس *** ونزيل اسمه مـن سجـل القرومـي

والى بغيـت البهذلـة والدحاويـس *** فأعرس وخلك من عـداد الرخومـي

وش صابكم من عرسكم يا المفاليس *** وش استفدتوا غيـر دق الخشومـي

ترى عناق العام نطت على التيـس *** والحرعقب العـرس يصيـر بومـي


منقووووول

الله يعافيك


تسلم على مرورك الكريم ياغالي


لك تحياتي

صح لسانك ولسان الشاعر
لك فائق الاحترام والتقدير يافيصل المسعودي
من اخوك النافذ

هلابك النافذ


صح بدنك ياغالي



تسلم على مرورك الكريم ياغالي


لك ازكى تحياااااااااااتي

يعطيك العافيه

ماقصرت

تحيااااااااااااااااااااتي

الله يعافيك


وتسلم على مرورك الكريم ياغالي


لك تحيتي

اكيد


صح بدنك وتسلم على المرور الكريم ياروقي


تحياتي

تسلم يافيصل
 

الحقيقة قصيده رائعة من شخص رائع صاحب الجديد المميز تسلم يافيصل وإلى عطاء مميز آخر ؛؛؛؛؛؛؛؛؛؛

تسلم ابو رينا


الرائع والمميز مرورك الكريم ياغالي


لك اعطر تحياتي وازكاها

هي من ناحية قويه قويه ياضاري



لك اعطر تحياتي وازكاها ياضاري

صح السانك ياغالي

صح بدنك ياغاااالي


تسلم على مرورك الكريم وردك الطيب


لك تحيااااااااااااتي

صح لسانك ولسان الشاعر

ولاهنت يالغالي

تقبل تحياتي

صح بدنك يالغاااااااالي


تسلم على مرورك الكريم وردك الطيب


لك تحياااااااااااتي

يعيطيك العافيه يا اخوي فيصل على القصيده الرائعه وتشكر على النقل الرائع



تحيااااااااااااااتي

يعطيك العافية وعساك على القوة
ولاهنت يا فيصل



تحياتي

هلابك ع المورقي


الرائع مرورك ياغالي


لك تحياتي ياغالي

هلابك ابو قلب عطيب


كل ونظرته هو حرمته كادته ولا عبة فيه


لاكن الزواج عكس ذلك صح


تشكر على المرور الكريم


لك تحياتي

الله يعافيك ويقويك يالغالي


تشكر يالمورقي على المرور الكريم


لك تحياتي