شهرين مرّت والشهور تمرّ واللي فات فات=وحالي بهالشهرين ماني قايلٍ وش لونها
بس الأكيد إني سهير الليل عيني ما تبات = في حروة اللي تـُعـتَبر ليلى وأنا مجنونها
والساعة اللي منتظرها من قبل شهرين جات = ماني بناسيها ولاني ناسيٍ مضمونها
جاني وليفي نور عيني من جبال السـَّـرَوات=عسا المخايل عن سماها ما تغيب مزونها
تلاقت الأقدام والله حقق أحلا الأمنيات = وأسـرار خلق الله عطاها الله صدور تصونها
ماشفت من ريم الفلا غير العيون الناعسات=الله يسامحها ويجزى من وقف لي دونها
عينٍ يا ما شاء الله ما تطرح رجل ؛ تطرح طائرات =لا والله لتطرح عرب بأشنابها ودقونها
لله درّك يا فتاةٍ مودعة قلبي فتات=تحبني وأحبها وتصونني وأصونها
عاهدتها على المحبة وأسـأل الله الثبات =دام إني أشمّ الهوى يحرم عليّ أخونها
وعيني تجوز عن النظر في سولعيات البنات = ترمي بهن وتحطّ ملهوف الحشـا في نونها
وأبغى أتمنى من غناتي والتمنـّي معجزات = تضمـّني وتلمّــني وتحطــّني فــ " عيونها "
وأرقد .. بلاش فلان قال فلان عاش فلان مات=أقولها لو قلبي أبيض من بياض سنونها

قصيدة رائعة جدا واكيد ان غيبتك عن المنتدى جابت نتيجة مثمرة

والله يعينك على الحجازيات

صح لسانك... طال عمرك....

تسلم وصح لسانك على القصيدة الجزلة
بس نبا وداعيات ان كان عندك

تحيات اخوك /صدوق

لله درّك يـا فـتـاةٍ مـودعـة قلـبـي فـتـات =تحبـنـي وأحبـهـا وتصونـنـي وأصونـهـا..

صح السانك استاذ وصل

رائعه بكل ماتحمله الكلمه كا روعة وصل العطياني

شامخه كاشموخ جبال السروات

كلمات شاعر بحق اتمنى لك طولة العمر

( وش جابك في ديرتنا )

تقبل خالص تحياتي

اخوك عبد الله مطلق الزايدي