قصيدة طلال السعيد ورد الدوسري عليه
 

السلام عليكم ورحمة الله وبركاته


اخواني احببت ان انقل لكم قصيدة الشاعر/ محمد بن باني بن مدعث الدوسري


وهي رد على الشاعر / طلال السعيد حينما القى قصيده امام الرئيس

الامريكي السابق بوش

قصيدة طلال السعيد :

الامريكي السابق بوش ويسب العرب بها


بإسم الكويت وشعبها ويـن ماكـان

شعب الأصالـه وللكرامـه شعبنـا

يامرحبا يابوش مـن قلـب ولسـان

طيبك ومعروفك لشخصـك جذبنـا

يابوش أحيي فيـك قايـد وفهمـان

شجاعة الموقـف وحزمـك عجبنـا

يحق للديـرة تضمـك بالأحضـان

وردَتنـا صافـي القـراح وشربنـا

من مجلس الأمة إلى قصر دسمـان

تسمع صدى الترحيب من كل مبنـا

تقديـر لأفعالـك وشكـرٍ وعرفـان

قايد عظيـم بجانـب إسمـك كتبنـا

في صفحة التاريخ مكتوب عنـوان

والله يلـولا بـوش حنـا ذهبـنـا

عاداتنا يابوش مـن عبـر الأزمـان

رد الجمايـل والله اللـي وهبـنـا

إنجازي الأحسـان حنـا بالأحسـان

بالطيب والمعـروف محـدٍ غلبنـا

يابوش مأسمك بوش إسمك كحيـلان

البـوش والله والتخـاذل عربـنـا

يابوش ماقصَرت يـاذرب الأيمـان

عرَضـت جيشـك للهلاك بسببنـا

ياجورج بوشٍ ياذرى كـل بلشـان

ياطيـب الوقفـه لـك المجـد يبنـا

تحقق التحرير فـي عـزم وإيمـان

بقيادتـك يابـوش خلَـص نشبـنـا

إلـــــــــى آخـــــــــر الــقــصـــيـــده
رد الشاعر الدوسري :

عزمت أولف لي من الشعر قيفـان

من جوهر الشعـر إنتقينـا وجبنـا

وليا قصدنا نقـول صـحٍ وبرهـان

وليا رمينا روس الأهـداف صبنـا

قول بن مزعل شب بالقلـب نيـران

وعزالله إنـه فـي كلامـه شذبنـا

عضو الفشل علمه لكل المـلا بـان

وحنَـا سمعنـا غلطتـه وإغتربنـا

خبـلٍ يثـور بندقـه دون نيـشـان

اللـي مـدح بـوشٍ وحنَـا لسبنـا

طلال مدحك بوش ظيعه ونقصـان

ياليت منتـه مـن فصايـل عربنـا

ماتمدح آل سعـود ذربيـن الأيمـان

اللي لهم فـي قمـة المجـد مبنـا

نسيت وقفات الفهـد ياابـن عثمـان

يـوم إعتزينـا دونـكـم وإنتدبـنـا

وأنته بأشيقر ياأبـن عثمـان سكَـان

تبكـي وحنَـا للصعـاب إنتصبنـا

يامـا وقفنـا وقفـةٍ شانهـا شـان

وياما على راس المعـادي ضربنـا

وياما خسرنـا بالمياديـن شجعـان

وياما خسرنا المـال وأنتـم سببنـا

جيتو لنـا بقلوبكـم خـف وإجنـان

نسمع صدى صرخة نداكـم وأجبنـا

قمنا بعزم وجزم وإخلاص وإيمـان

وبعروة الديـن الحنيـف إقتضبنـا

يوم إختلط نـار وقذايـف ودخـان

خضنا الحروب الطاحنه مآإرتهبنـا

خضنا المعارك يوم زوغات الأذهان

ونزبَـن اللـي هـاربٍ ماهربـنـا

يوم الفهد درعٍ حصيـنٍ للأوطـان

وجاب التحالف كلهـا فـي طلبنـا

عنكم رفعنـا ظلـم ظالـم وطغيـان

وقمنا بوجـه الطاغيـه مآأنسحبنـا

وجازيتو المعروف صـدَه ونكـران

ماكنَنـا معـكـم وفيـنـا وطبـنـا

من ينكر المعروف والفضل حيـوان

برتـوْ وللـي بـايـرٍ ماحسبـنـا

لولا أخو نوره مانفعوك المريكـان

جـاك العـرق وزوَد الغبـن غبنـا

هذا الفهد رجـل المواقـف بليهـان

اللـي يشيـل حمولنـا لـو تعبنـا

إبن الزعيم اللي قطع راس عجـلان

وعـز البـلاد وذل منهـو حربنـا

ويعيش عبدالله لنـا طيـر حـوران

من هيبتـه جـض العـدو ماقربنـا

لاهـان عبـدالله ولاهـان سلطـان

زحول الرجال اللي تفـرج إكربنـا

حنـا سعودييـن بالفعـل شجعـان

نصفي مع الصافي وسـمٍ غضبنـا

وحنا سعودييـن لـو كـان ماكـان

بالمعركه نكسـب ولاأحـدٍ كسبنـا

وحنا الرجال أهل الوفاء سر وإعلان

وحنا الرجال اللـي عريـبٍ نسبنـا

وليا تلاقى الجمع فـي كـل ميـدان

نشب نار وروس الأعـداء حطبنـا



منقوووووووووووووول


تحياتي

صح لسانك وهذي هي العوايد فيكم

هلابك ذيبان


تسلم أخوي على مرورك الكريم ياغالي


تحياتي

مشكور اخوي على النقل

بس الله يهديه الشاعر عم ولاخص

تسلم خوي عنتر على المرور


تحياتي ياغالي

تسلم يمناك يافيصل المسعودي
وصح السان الدوسري
واكثر الشعب الكويتي يقدار وقفات ابن سعود والشعب السعودي
لك فائق الاحترام والتقدير
من اخوك النافذ

سلمت ياغالي


الشعب الكويتي مانظن فيه الا كل خير وهم اخواننا وتربطنا بهم علاقات محبه واخوه من زمان


وهم مثل مقلت يالنافذ واقرب حدث لتقدير الشعب الكويتي لوقفات ابن سعود


ماذكرته حكومتهم اثناء وفاة قايد الامه رحمه الله واعترافها بفضله بعد الله في تحرير الكويت
ومانسمعه من كلام وعيارات هذي متمثل الا الجهله والناس الفاضيه

عموما تسلم النافذ على مرورك الكريم


تحياتي

الســــــــــلام عليكــــــــــــــــم

أولاً : شكــــــــرا على مجهـودك

ثانيـاً : أنا ضـد طلال السعيد .......... وعلى طـول الخط .......... وعلومه خايبه ودايم يجيب العيد

لكن للأمانة فقد أثنى طلال السعيد على آل سعود والشعب السعودي في اكثر من موقف وقصيدة
ومن الواضح أنه يقصد ( بخذلان العرب ) الأردن والسودان واليمن ..... وكل وقف مع العراق .

وفي المقابل لم يوفق الشاعر الدوسـري .. وإغترف خطـأ أكبـر من خطـأ السعيــــــــدعندما قال :



فلا أعتقد بوجود من ينكـر فضل خادم الحرمين الشريفين ( رحمه الله )
والحكومة السعودية والشعب السعودي في تحرير الكويت .

والأمر برمته لا يحتـاج لتوضيح لأنه كالشمس ... وأكتفي بهذا

والسلام عليكم

وعليكم السلام والرحمه


الشاعر الدوسري يبن الحلال يمكن يقصد بعض ابناء الشعب الكويتي وانا وضحت فوق في ردي على النافذ مدى اعتراف الشعب الكويتي بالفضل
وهم اخواننا منا وفينا ونحن نعلم بكل صراحه انه بعض ابناء الشعب الكويتي شايف نفسه
وين وهو لا ذي ولا ذيك جد عموما مدح السعيد لبوش ماله داعي وش ينقزه لبوش ويرحبه يجي للكويت ويروح وش لك وله اولا لادينك يحثك ولا عادتك
والثانيه بوش وش يعرفه للقصايد والله لوتمدح فيه اليوم كله مو داري عنك
عموما انا مع رد الدوسري علشان يوقفه عند حده وتحياتي لك يالغالي

هلابك الروقي


حنا ماقلنا فيكم شيء يالغالي انتم اكررها منا وفينا وحنا اخوان وانا وضحت هذا لاكن السعيد ليش يظهر


العرب بهالصوره امام بوش ليش تظهر العرب كذا اولا امام يهودي تتكلم بهالكلام انت بدال مترفع من معنويات


العرب اللي متحطمه تروح تفتح عيون اليهودي على اشياء المفروض انها متذكر لانها مهيب مفخره اصلا عشان


تعدها


تحياتي لك ولمرورك ياغالي

فيصل المسعوودي


صح لسانك ولسان الشاعر


قصيده رائع وجزله والله يعطيك العافيه


تحياااااااااااتي

صح لسسسسسان الدوســري وصحــت يمنــاك يا فيصـل ع النقـل الموفـق..

وطــلال لا يمثــل إلا نفســه والـشعـب الكويتـي (عيال القبايل) منّــا وفينّـا ووقفتنـا معهـم واجـب ماهي مكرمـه...

تحيـاتي..

تبقــــــــــــــــــــــى القلــــوب نظـــــــــــــــاف

والسفيــــــــــــــــــــــــــــــــه ما علينا منــّه

وكلنا واحد

هلابك ابن نعيس


هلابك مناور المورقي


تسلمون على المرور الكريم


تحياتي لكم

هلابك ناصر


صدقت تبقى القلوب نظاف والسفيه معلينا منه



تسلم على مرورك الكريم


تحياتي