كلن يروح ويجي والحال تعبانه=وانا لحالي وناري دايما حيه
وقلوب الاجواد مبليه ومرضانه=والقلب ما فيه لا هاذي ولا ذيه
العيب طيب الولد لو يسبق ازمانه=والروح من طيبها يا ناس مبليه
والحب يا اهل الهوى دله ومليانه=فنجالها يا محمد للهواويه
والحب يا اهل الهوى يا زين كتمانه=يا زينه ان صارت الاحوال سريه
لكن انا منتهي والروح ظميانه=في شمس حبي ولا حصلت لي فيه
يا باشه الغيد روحي فيك ولهانه=تكفى نخيتك عسى فالقلب حنيه
نسيت نفسي وخلاني على شانه=وعشت الهوى ياعرب باحلام ورديه
والروح في بحرها ياناس غرقانه=وانا كويتي وروحي فالسعوديه
غصت البحر مير ما حصلت لي دانه=واثر البحر مرتفع ميتين فالميه
صلحت للروح واثر الروح غلطانه=تدور الرمي واثر الروح مرميه
وان شفتوا فلان قولوا دوَر فلانه=خلاص( حنا انتهينا) ياهل النيه
وقولوا (لحبي) انا قررت نسيانه=خلاص ما عادلي فالحرب جنبيه

غصت البحر مير ما حصلت لي دانه=واثر البحر مرتفـع ميتيـن فالميـه
صلحت للروح واثر الروح غلطانـه=تدور الرمي واثر الـروح مرميـه

صح لساااانك يا فلاااااح


جزززززل يا ولد العم


تسلم يمينك على على القصيدة

تحيتي