يا سلام الله عليكم يا الرجاال اهل الحميّـه = من هجوس ٍ ما تليّن ومن ضمير ٍ ما يلامـاا
يا جمااعة خير ابي لي شـااعر ٍ ماهو بليّـه = يسبح السبع البحور ويعرف المبدا تمااما

مرحبا يا شاعرٍ جانا و (فـ) النيات نيه = عدّ ما لاحت بروق الصيف في وسط الغماما
بين هرج الناس نوعينٍ وهي خيرٍ وسيّه=وانت قائد رحلة اليومه عسى فيها السلاما

البقاء ياللي ترحب وانتبـه قبل المنيّـه = انتبه قبل المنيّـه عد من صلى وصاما
لا تخاف والا توصي ماني محتاج الوصيّـه = قايد القوات ولا ّ تقدر ترد ليّ كلامـاا

منت ربي ربي الله من شبيهك ما عليه=ما عليه من شبيهك لاني اعرفكم يتاما
دايمٍ نذبح على السكّه من الحيات حيّه= لا تكون الحيه اللي تصبح الليله عداما

ماعليّه منك يا سبع الجبل مدري حليّـه = وحدّه يم اليمن والثانيه شرق ٍ وشاما
سرّها يا صاحبي جتك السيوف النافعيه = وإن ذبحناكم حراما وإن تركناكم حراما

صايرٍ يا صحابي مع صبح ربي مثل عيّه=ما تغطيك الثياب ولا تزينك الهداما
اليدين القصر ما تاصل ولو كانت شقيّه=كل رجلٍ و(إ) له عند الناس مقدار ومقاما

فكرتي في وااحد ٍ مابيّن شمس وبيّن فيّـه = دايخ ٍ راسه وخشمه ماسك ٍ فيّـه العراما
في شدادي وانت تعباان وتسحبك المطيّـه = نوب مع درب ٍ سماح ونوب مع ضل وضلاما

فكرتي في واحدٍ مبلي وضايع وسط غيّه=حجّ مكه ما توضا لا ولا يلبس حراما
والله اني ما شيٍ دربي على هون ومليه=ناوي احط الرجيلي تحت ظلي يا النشاما

فكرتك ياصاحبي جت للاسف فكره غبيّـه = اثرك اللي في صلاته ساهي ٍ مدري علاما
صلها يا صاحبي والله يبارك فـالبقيّـه = صلها حتى نفسر ما تقوله من حلاما

يوم ربي ما عطاك من النباهه (one) بميه=خلها تسرح بعلمٍ ضاع في وسط العساما
قمت اقلب فالخزينه مالقيت الا شويه=ما تسد الطرقي اللي شافها..كبّر وشاما

الرجال البعض منهـم لا رجــال ولا بنيّـه = والبعض حي الرجـاال اللي توصل للمرامـا
والله انـّي ما نويت اضرب على ضهرك يديه = مير اشوف من العجم ناس ٍ تبا ضرب السهاما

انتهت عقب انتهينا والله يغفر الخطيه=لو فيها لو فيها ما كشفت (إ) لها اللثاما