ابن شايق ومشخص والعازمي وابن رحمه ناررريه
 

مشخص الفهري منزوع الهوية ليس له شخصية شخص مقلد ولا أعلم كيف لايخجل من نفسه وهو يقلد ابن شايق في جميع تحركاته وتصرفاته وديكورة وهزّة رأسه
فقط يجري خلف العالم
وفي نهاية المحاورة اراد ان يجذب الجماهير بمهايطات اطفال
ولم يحترم زميله واقف بجانبه وأنهى الحفل بمباركة أصحاب الحفل اللذين هم لم يحترموا ضيوفهم ولم يحموهم

اما ابن شايق لايلام إطلاقا
فهو لم ينهي الحفل ولم يمنع الشاعر من الرد
شاعر وإشتهر بتمرير المقالب القذرة لا أكثر

الحمدلله لقيت الخوخ والرمان ....... يابعيرن لقا تمرن يفليبه

شكرا لك على النقل


وياليت كان المقطع على اليوتيوب

الله يعطيك العافية يا لوي على النقل

والاخ فهد الله يمسيك بالخير يالغالي

انا قحطاني وما يصح انك تسب في قبيلة قحطان عشان محاورة

وعتيبة لها قدرها وكل القبايل ونعم بس وانا اخوك لا نسب البشر سبة محاورة بين شعراء ,

انت تعرف ان ابن شايق وفهد اصدقاء اكثر من غيرهم من الشعراء وعلاقتهم طيبة ومحاوراتهم فيها متعة

اما مسألة مشخص يقلد والا غيره ما ادري على أي اساس هل هم مع بعض او نقص فيه,

بالعكس ان حاول يقلده تزيده جماهيريه وان كانت طبيعة فيخلق من الشبه اربعين فالخلق والطبايع وغيره ,

بعدين فهد جاب الموال وقال خلاص يا عبدالله فعادي وانا اخوك تحصل هالامور بين الشعراء ولا تسبب الزعل بين القبايل

اما القبيلة اللي ما تحمى ضيوفها هذي الله يعينك على وزرها كامل لا تنسى فيهم الطيب وغيره في القبايل كلها

اخيرا من ناحيتي الله يسامحك وانصح نفسي اولا ثم الاخوان في هالمنتدى وغيره نبعد عن اللغو والغيبة

ونختم اقوالنا وكتاباتنا بالدعاء

سبحانك اللهم وبحمدك نشهد ان لا اله الا انت نستغفرك ونتوب اليك

محبكم ابن عايش

الغريب ان ابن شايق يجيب خارمه ويجون يسلمون عليه

الظاهر ان الخوارم تناسبهم

مرحبا ياذيب
تقول مانزعل بسبب محاورة وشعراء
ليه الشعراء ماهم عيال عمنا ؟
عموما المحاورة حصل فيها تجاوزات وقلة أدب من الجماهير
وانت لاحظ فقط اخر الدقايق وتشوف

أما الشخص المقلد سواء في الشعر أو الإنشاد أو الغناء في جميع المجالات
يبقى كما قال عنه الشيخ علي جابر رحمه الله ( تقليــد )

وانت شخصيا لك كل التقدير والإحترام،

بيض الله وجهك ياذيب بن عايش وقحطان ونعم وكل القبايل ونعم وساحة المحاورة يجي فيها نزول وطلوع من الشعراء ومع ذلك ماشفنا الشعراء تماسكوا بالشوش وتلاعنوا بينهم هم شعراء وهذا شي بينهم وإذا ماحد اعجبه الثاني لايلعب معه وانتهى الموضوع واقحام القبائل او غير الشاعرين في المراد بينهم حماقة وسفاهة

وصاحب الحفل الذي انهى الحفل عشان مايرد فهد العازمي مايتحمل خطاه غيره لاشعراء ولاصفوف ولامعازيم ولاجماهير

وحنا نقول هالكلام لكن بعض الجماهير تاخذهم الحماسة اكثر من اللازم ويحطون للموضوع يدين ورجلين وهذا ردي السابق:

الله يسعد مساكم

الاخوة اللي يقولون ابن شايق الفاظه بذيئة ومحاوراته ساقطة

فيه شعراء ينتهجون نهجه ولا سمعنا انهم يهبطون المحاورة او يسيئون للشعر لانهم كذا وكذا

وبالدليل موجودة لكن اقول مرة اخرى لا تاخذكم العنصرية على قل سنع .

كلنا اخوان وبشر سواء حنا او الشعراء او غيرهم والاصح اللي يستغفر ويتراجع عن خطأه اما اللي يزيد النار حطب ومن غير ما يشوف الصح وين الله يهدينا واياه

شكر لك اخوي لوي على الخبر عن ابو ريان فهد العازمي اللي اثير شي عن ربعنا بالردى والله المستعان

وترا بعض الاخوان يزايد على كرمنا واحترامنا لضيوفنا وليس من طبعنا ان نرضاه لضيوفنا

لكن اظن وضحت الصورة لكم اخواني الاعزاء فهد انت وبدوي وصالح وراشد

لكم مني اجمل تقدير

محبكم في الله ذيب القحطاني

ياخوك احنا مازعلنا على ابن شايق

احنا زعلنا من صاحب الحفل الي افتك المكرفون من ضيفه وانهى الحفل

بعد مامكن ابن عمه من الرد

والله وبالله وتالله لوابن شايق معزوم عندي وغلط عليه اخوي ماهو عاد واحد من برا

لأقف دون القحطاني لين يرد عن نفسه واذا كان لسااانه كليله رديت انا عنه . ترا الضيف

صعب زعله واذا ماحميت ضيفي من البعيد والقريب احسن لي احلق لحيتي وشاربي

وابدل مشلحي بعباية مره

انتم تهرجون وكأنكم ماتعرفون قيمة الضيف وحرمته

والقصص كثيره حتى ان بعضها ذكرت منه ذبح ولده دون ضيفه

والضيف ومعاملته ورد ت في القرآن الكريم


الا اذا تقولون الشعار ماهم بضيوف هذا شي ثاني

اولا : اشكر جميع من طرح لنا رأيه .. وعبر عن وجهة نظره
وبلا شك جميع وجهات النظر لها الاحترام ..

ثانيا : بالنسبه للحفله وما حصل فيها بين الشعراء .. فهم المسؤولين عن الخطأ إن حصل
ولكن الخطأ الاكبر من بعض الجماهير اللذين يأخذهم الحماس والغوغائيه من الشعراء الغوغائيين
واخص منهم الذين يقحمون القبائل بمهاتراتهم الليليه التي يخوضون بها في كل حفله ..
فالنقص يحصل من الجماهير بالدرجه الاولى لأنهم يشجعون الشعراء على المهاترات ويأتي اللوم بعدها
لأصحاب الحفلات الذين لا يمنعون مثل هذه المهاترات الجاهليه .

ثالثا : جميع القبائل لها التقدير والاحترام وما يدور بين جهلاء القبائل من جهل وتفرقه وعنصريه وغيرها
امور تنافي السلوك الاسلامي والادبي والخلقي الذي وصانا عليه صاحب الخلق العظيم رسول الله صلى الله عليه وسلم .. لا يمثل عقلاء القبائل ..

فيجمعنا بهم طاعة الله عز وجل والطيب والخير ..

اخيرا : اوصي نفسي وجميع الاخوه جماهير الشعراء عدم الانجرار خلف المهاترات ونبذ العنصريه
الجاهليه التي تفرق لا تجمع .. تكرّه لا تحبّب ..



واسف على الاطاله ..

الاحترام والتقدير للضيف وللرجال الحاضرين مطلب شرعي ومن تقاليد العرب العزيزه

وهذي ثاني مره تصدر من قحاطين الاولى مع الجلاوي والقرقاح في مزاين قحطان

وهذي الثانيه بين فهد العازمي وابن شايق

ارى ان الحفل اغلب حضوره من السفهاء وادنى القوم والمفروض مايحضره فهد

واسلوب فرد العضلات وسط قبيلتي اسلوب طفولي .


وباختصار ابن شايق ممثل كوميدي اكثر من كونه شاعر حقيقي

يستحق لقب هنيدي المحاوره اسوة بالممثل

يعني تبي تضحك احضر لبن شايق

صاحب الحفله للاسف اذا مابرك للحق واعتذر المفروض يسفه هو وخامسه من قبل قحطان اولا

ومن قبل كافة القبائل حتى يعود للضيف هيبته وكرامته والا لم يحصل هذا فان هذا القحطاني ابتدع سنه

سيئه بها سوف تضيع حقوق الضيف وحدود الادب .


المحاوره عموما مهما قيل وصدر منها فهي لاتعني الا الشاعرين لكن التصرفات الخارجيه من الحضور

او المعازيب تمس القبيله المضيفه وكافة القبائل.

واعتقد بعد هذا التصرف لاتشرهون ع قبيله تفعل مثل مافعل هذا المعزب اذا لم يعتذر ويجلس للحق.