البساط احمدي
 

سلام من حد سيل العطن حتى الهفوف

للشاعر اللي يرى نفسه كريم اجودي

حنا بشهر الصيام ولا عليكم كلوف

واللي يحب السوالف فالبساط احمدي

صح لسااانك وبيت كايف
بانتظار قبيلك

يا مرحبا عند ربعي مكرمين الضيوف
ترحيب مثل الزمن ليا قالوا سرمدي


حنا بشهر ن ترا ما فيه غمة وخوف
وابليس مربوط فالشجرة كانه يهتدي

يا سعود ما فيك حيلة لكن خلك تشــــــوف=بعض السوالف تعود فوق راس الردي
ما ادري سرى ليلته لأجل السهر والهنوف=ولا سرى ليلته لانه أخلـــــف موعــــدي

سعود خل الرجال لاتدخل عرض !!!


صح لسانكم

وانت ويش دخلك الله يهديك؟؟

سعود هههههه علامك خرمان اليوم خلاص انت فطرت انا اللي لسه بانتظر اذان المغرب ههههه

يارجال انت قايدنا الغالي وشاعرنا المميزالله يحفظك؟؟

من غير كثرة كلام المسطره عاالرفوف

ناس تدور مرارتها وناس اتعدي

يهل النواميس ياشيخان يهل الحروف

وش حدكم عا المهاوش تونا نبتدي

خذفتنا بالحجارة واشهدوا يا الصــفوف=قال المثل يا جملنا يخسر المعتدي
يا محمد سعود صاير له زمان ن يطوف=ما ادري علامه يبا يعضني في يدي

سعود تراك عزيز وغالي لكن تجي عليك اوقات ابا اذبحك فيها واقط راسك

قم يا العتيبي وسلم مقعدك من تشوف
إلا سعود الذي شغله يدق الودي
وش همني جعلكم يا مكرمين الضيوف

تخلون مرعى عتيبه ثنيها والجدي


الودي مايدق فيه من بن وهيل

مالك ومال الذي حدته بعض الظروف=ولا الفداوي ما يلقـــى غير كف ن ندي
اباك تنشد هل المــــغرب بليا كسوف=عن اسمك في ليلتك يا صاحبي او غد

الـلوم يا صاحبي على اللي دف الدفوف=زهب سلاحك ونادي فالعرب اشهدي
من يطلب المغفرة ما يلقى غير الكفوف=وان كنت ضـــــامي ترا بوردك موردي

ما ادري علامه يبا يعضني في يدي


هههههههههههههههههههههه

هذي كبيره يامطلق فيها مطب
خطير

تراني احب المعاني واخلق مطبات بس اشوف الربع كل مرة يطبون في مطب

وش لك بقوم يسبون الدهر والصروف=وش لك بصاحب ليا عرفت انه مفسدي
ما فاز غير الذي حط النــــقط عالحروف=ولا انت يا سعود مستانس مع الملحدي ؟

اسلم براسك ما دام عرشه فوق الكتوف=واقعد تراني عريب الجد والمحتدي

والنعم فينا وفيكم والــــسنافي معروف=والذيب لن شاف نعجة حافها ويعدي

ياشين بعض المجالس يوم جوها الضعوف
شانت ووصيت فيها لايطب اولدي

انا ادري ان النعامه ماتجي للجروف
إلا إذا شافت الذئب القنوب ايعدي

يا زين بعض المجالس يوم كنت مخطوف=وش رجعك للعرب يا علتي وانكدي

مسك الخـــــتام الدعا والله بعبده رؤوف=وان كان زليت قولوا قالها مبتدي

محشوم ماجاء يكن طيبك وطبع شروف

ياراعي الكلمه اللي مالها منقدي

خيم مع اصحابك اللي خيموا بالهفوف

وانا على دار مدقوق الخصر مقصدي

صح لسانك باشر اجمع المحاورة واحطها بالمحاورات المميزة

صحت السنتكم

تحية لعد الروى منور مثل العادى
علي الزهراني السلمي شرفتنا صح بدنك