سلام الله عليكم ردتن يصدح بها فرعون = تجي من هاجس الطرقي ليا من شاف طرقيه
الا ياماجد ابنشدك جيرانك وش ايقولون= بعضها صدق واكثرها علوم(ن) دون ماريَه

هلا يا مرحبا وأسمك لعله بأقشر الطاعون = على ما قيل فالأيام لا هذي ولا ذيّه
تسمع في علوم الصدق هات اللي عليك يهون =ورتب فالعلوم اللي يجي ترتيبها ليّه

يدوم الك البقا لكنَ انا ماظنتي تبقون = عسى الهذلان لا جوا للملك نيرانهم حيه
انا ادري لكن الجاهل يغرَه بعض ما تقرون = واذا صدَق مصيبه والعرب تدري عن النيه

تبا طعم التحدي والتحدي يا ولد مقرون = وملكك فوق نفسك وأنتبه للنار والكيّه
مدام إنا قرينا يا عميل الخير لا تنسون = قرايتنا ترها تشفي المجنون والعيّه

عجب جحدانكم يا هل مصر للدين والمديون = من اول تتبعونا قدم خلق الله علانيه
الا منك فهمت العلم قلنا : " فاهم الملعون " = ولكن يالهذيلي فهمكم عشرين بالميه

بإسم فرعون وشبك تفتخر ياهن ابن هنهون = أثر مالك قبيله مير دمك صار فيديه
يسيل السيل وأنته يا ولد فالسيل بالماعون = وتملى منه ماعونك مع الروحات والجيه

انا دوم اعتزي بالعبدليه من نسل ميمون = يا كم شيخ(ن) من افعول العبادل فيـــه مرثيه
يسيل السيل ولا ما يسيل الفوز لي مضمون = وانا اللي بارد عدودك وابنثر وسطها الميه

هلا بك يالمطير وأنت لي فزعه وأنا لك عون = تبا تثبت لك الأيام والأخبار مقريه
أنا بحرف مسيل السيل عنك ولا يجيلك لون = لكّنك لو نويت الشر يسري بك مع الهيه

]شعار متميزين بالشعر ونحن من يستفيد من شاعريتكم واااااااااصلووووووو المحاوره لازالت تجذب الشعار .

وأنا بصفك ياماجـد ولا هان ملك الفراعنه . هههههههههههههه أمزح ؟؟ ولا هان فرعون مطــــــــــــير

تحيــــــــــــــــــــــاتي

انا مانكر كلامك لا لفانا صدق بالقانون = ترى ايَت رجل صادق وده يصادق رجل زيه
وانا شر(ن) على اللَكَيـــــع تبـــَاع الذي يخطون = عسى منت بلكيع وتفهم الصفحات مطويــــــــــــــــــــه

تراي أقدر الصاحي تراني رابط المجنون = وبعض الناس لو يمشي تشوف الرجل ملويه
تقوله وأنت يا فرعون لك إلسان وإلك عيون = وصادفك الخطر يا صاحبي وأحداث جويه