الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   خلــــــــــــــــــــــــوها خلــــــــــــــــــــــوها (http://www.otaibah.net/m/showthread.php?t=14275)

علي القحطاني 20-Jul-2005 10:08 AM
خلــــــــــــــــــــــــوها خلــــــــــــــــــــــوها
 
ياسلام الله سلامٍ وله قدر وثمن * والبروق تلوح في الشام والا في اليمن * يا عسى الله يحفظك يا فهد عز الوطن
ورمضان صيام والكافر اللي ما يصوم


من ضمير الشاعر اللي كل ما هجرس وغنا = تهتويه الشرّد اللي لا تقاد ولا تساقي
وين بالقا شاعرٍ في الشعر له ذوقٍ وفنّا = ولا يجيب الكلمة اللي طعمها مرّ المذاقي

الفراهيدي 20-Jul-2005 10:29 AM
الله الله

بدايه طيبه

صح لسانك وبانتظار الشاعر الأخر

ماجد الهذلي 20-Jul-2005 11:40 AM
الله الله يالقحطاني بدايه طيبه

ننتظر الشاعر الآخر لنرى ونتااابع

تحياااتي

فيصل المسعودي 20-Jul-2005 02:23 PM


علي القحطاااااااااااني


بدايه رائعه في انتظار الشاعر القادم نتمنى محاوره ممتعه


تحياااااااااااتي

صعاط الجن 20-Jul-2005 10:00 PM
;););););););)ويانكم ياالهلا لا تفضحونا عند القحطاني اناخابر انكم تبيضوان الوجه
باس عاجلوا عيال عمي

راعي المراجل 21-Jul-2005 04:16 AM
يا هلا بالشاعر علي

والله ان ودي اخذ الطاروق هذا معك


لو اني تلميذ صغير قدام شاعريتك وقدام شعراء هذا المنتدى

ونتمنى انا نستفيد منكم

من بغى درب المراجل لازم انه قد تعنا=يالله انك تستر المسلم وتكفيه النفاقي
دوك كسرة ملح ذوق الملح يوم انك تمنا=واخر الطرقه تعرف اهل المقام من الطراقي

فهد العاطفي 21-Jul-2005 11:19 PM
الله الله

اليل اليل ياشعااااااااااار


واصلو واصلو وانا في صف علي ولايهون راعي المراجل

علي القحطاني 22-Jul-2005 07:59 PM
مرحبا ومسهلا وياليت تراجع البيت الثاني من الموال واستلم:

يا عسى فيك البقا وانت راعي مرجله * ترسم الابيات بالمسطره والمنقله * ولو يضيق ابك الفضا فازهل اللعب ازهله * ورمضان صيام والمشرك اللي ما يصوم

قال ابو زيد الهلالي وين غادي يا مهنّا = البحور الهوج من جاها نهايته الغراقي
قنّد الدله وقيّس كيفها هيلٍ وبنا = قبل ما نزعل و نعلن يالحبيّب بالفراقي

علي القحطاني 22-Jul-2005 09:32 PM
مرحبا بكل من شرّف الموضوع والله لا يهينكم جميع

راعي المراجل 22-Jul-2005 10:00 PM
ابقاك الله - واكسر الضاد واللام في الضلع وسكن العين تجي تمام

واستلم


خلووووووووووووووووووها

ما بقي في فك هاك الذيب ضرس ولاش سنا=وش تحب من العلوم الاوله والا اللحاقي
كان ما تشرب بيدّك ما يجيك الكيف منا=وان سريت الحقك سهمً ما يبقي لك بواقي

علي القحطاني 24-Jul-2005 09:44 PM
صح لسانك والله لا يهينك والرجاء زيارة موضوع الاخ الفيصل وتسجيل بطاقتك الشعريه فمن الآن وصاعداً
لا يلعب مع شاعر مجهول

ولك تحياتي

فهد العاطفي 25-Jul-2005 05:43 AM
صحت السنتكم ياشعار

< مدباس > 25-Jul-2005 08:17 AM
صح لسانكم ولاهنتووووو

محمد العتيبي 25-Jul-2005 12:34 PM
صح لسان الشاعر العتيبي راعي المراجل

وصح لسانك يا شاعر قحطان : علي القحطاني .

الايداء1 26-Jul-2005 02:01 PM
اقتباس:
المشاركة الأصلية كتبت بواسطة علي القحطاني
صح لسانك والله لا يهينك والرجاء زيارة موضوع الاخ الفيصل وتسجيل بطاقتك الشعريه فمن الآن وصاعداً
لا يلعب مع شاعر مجهول

ولك تحياتي
الأخ علي لقحطاني
التسجيل ليست فرضيه أجباريه بل هي أختياريه فمن أراد أن يسجل أسمه فلا مانع .

أما أنك تشترط بأن من لايسجل أسمه لا أحد يلعب معه . فهذه من صلاحيات الأداره وبعض الأعضاء لديهم موانع عن أعلان أسماءهم الصحيحه لظروف عملهم التي تحتم عليهم ذلك ولا يبحثون عن الشهره وأنما يشاركون أخوانهم بالمنتدى لتعم الفائده.
تحياتـــــــــــــــي

الأيــــــــــــــداء المورقي

أحـ المورقي ـمد 26-Jul-2005 04:26 PM
صح لسانك اخوي الايداء المورقي

راعي المراجل 26-Jul-2005 10:30 PM
هههههههه

صح بدنك يا شاعر قحطان


بس اللي اعرفه ان اللي الرجال ليا بداله علم ما يحوص في قبل ينهيه

لو انك مشترط الشيء هذا من البدايه كان صار كلام ثاني

لاهنت يا شاعر قحطان

====================

اقتباس:
المشاركة الأصلية كتبت بواسطة الايداء1
الأخ علي لقحطاني
التسجيل ليست فرضيه أجباريه بل هي أختياريه فمن أراد أن يسجل أسمه فلا مانع .

أما أنك تشترط بأن من لايسجل أسمه لا أحد يلعب معه . فهذه من صلاحيات الأداره وبعض الأعضاء لديهم موانع عن أعلان أسماءهم الصحيحه لظروف عملهم التي تحتم عليهم ذلك ولا يبحثون عن الشهره وأنما يشاركون أخوانهم بالمنتدى لتعم الفائده.
تحياتـــــــــــــــي

هذا هو الكلام


والاولى يا ابن قحطان انك تكمل المحاورة وبعد كذا تشترط الشروط الخاصة لك وبعدها والله ما تجيك الشرهات من احد ولتكبر في عيون الكل !!!!!

ولك تحياتي :)



***************************
وهذي البطاقه خاصه لك

سليمان بن هاجد بن ملفي العتيبي
30 سنة
مدرس
المنطقه:- منتدى عتيبة الهيلا
الهوايات :- المحاورة بدون اسم صريح :)

*****************************

متأسف جدا على هذا التأخير

علي القحطاني 27-Jul-2005 10:05 PM
والله وستين نعم يابو هاجد ولا تاخذ على خاطرك مني وابشر بما يرضيك ووالله العظيم ان المقصد من كلامي انك لما تلعب مع واحد معروف اسمه ومنهو منه فسوف تضمن اقل شيء الاحترام وعدم الكتابه البذيئه تحت ستار الاسم المستعار.

والان نكمل اذا ودك واذا تبي قاف جديد فمنك يابو هاجد والسموحه وانا اخوك.


الساعة الآن »04:51 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd