الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   ماجد الهذلي...جالس تالي الليل...... (http://www.otaibah.net/m/showthread.php?t=14146)

فراج القرقاح 14-Jul-2005 02:27 PM
ماجد الهذلي...جالس تالي الليل......
 
اشوف ماجد جالس ٍ تالي الليل= مدري يحسب النجم ولا علامه
البارحه جالس يجر المواويل=واليوم يالله ياعساها سلامه

ماجد الهذلي 14-Jul-2005 02:56 PM
يالداهيه حلل وأنا أعطيك تحليل = لا تلبس عقالك بدون العمامه
إن كان بانت لك علوم ومراسيل= كل ٍ فوقت الجد يكرب حزامه

فراج القرقاح 14-Jul-2005 03:14 PM
قالوا لنا العربان لاتامن السيل=السيل ياخذ مالقى من جهامه
وانته حذاري غير توك دهاويل=وكلٍ على ماقيل وقت العسامه

ماجد الهذلي 14-Jul-2005 03:26 PM
السيل شالك وأنته تحط وتشيل = والميت اللي مات بعثر عظامه
عطني علومك يا قليل المحاصيل = لن كنت تدري بالكرم والشهامه

فراج القرقاح 14-Jul-2005 03:37 PM
السيل جاله يالعتيبي تحاويل=والصبح لاأصبح جاك ليل بظلامه
ماهي علوم ٍ لك ولاهي بقاويل=وشعيل ممسوك ومقيد خطامه

ماجد الهذلي 14-Jul-2005 03:43 PM
يا ولد هذا عنوان موضوعك

ماجد الهذلي...جالس تالي الليل......

العتيبي اللي تقصده وينه ؟؟

الداهيه هذا علومه تهاويل= والليل لو يظلم عرفنا نظامه
أقلط على فنجال من بن ٍ وهيل = وأشعيل لا تقربه يفجع سنامه

فراج القرقاح 14-Jul-2005 04:18 PM
اسف على التاخير كنت اصلي.....والعذر من الله ثم منك ابي اعدلها ولازاد جات....
استلم....
ياماجد الهذلي ترا نجمك سهيل=لن طاح يسهل على الارض التهامه
تعال يالهذلي وسوق الفناجيل=من دلة ٍ يحرم عليها الهلامه

ماجد الهذلي 14-Jul-2005 04:54 PM
عادي المحاوره ماهي مباشره

وما حصل إلا خير

يالداهيه حذرى تجيب الأقاويل = وأنته تلوم ولا تجيني ملامه
الضيف له واجب وله حق تكميل = ومنته غشيم ولا تجيك الغشامه

فراج القرقاح 14-Jul-2005 06:24 PM
الله يحيك ياماجد واسعدني اللعب معك يالغالي...وللعلم (الاقاويل)قد سرت...
والدعوى وسعة خاطر
استلم...
الداهيه يعرف يكيل المكاييل=والسالفه ماهي حراب وزعامه
ياشيخ ياللي ظالم ٍ بالمعادييل=كب التعجرف لاتجيلك سهامه

ماجد الدغيلبي 14-Jul-2005 09:59 PM


الله الله


متاااااااااااااااااااااابع


الداهيه وماجد الله عليكم

ماجد الهذلي 14-Jul-2005 10:06 PM
أنته من اللي فالهوى بالمناديل = خشم الصبيه ما يزين بزمامه
الخوف خلخل قلبك اليوم تخليل = وإن صمت نص الشهر تكسر صيامه

محمد العتيبي 15-Jul-2005 12:14 AM
الداهية + ماجد الهذلي


ماقصرتوا ..... طاروق طيب وجميل ..... واصلو الله يعطيكم العافيه .


ولكن الله يجيب الصفوف ..... قولو امين ... هههههههههههههه


تحياتي لكم ............... ابو مشعاب

فراج القرقاح 15-Jul-2005 12:57 AM
انته كما حنتور صادف غرابيل=والبايره حطت عليه الرخامه
الخوف شفته في عيونك هماليل=يومك تغط الراس مثل النعامه

فراج القرقاح 15-Jul-2005 12:59 AM
ماجد الدغيلبي....

ابو مشعاب....

الله يحيكم ولا يهينكم على المرور....

شكري وتقديري....

فراج القرقاح 15-Jul-2005 01:02 AM
الاستاذ والشاعر والاخ ماجد الهذلي......

اشكرك على المحاوره الجميله...وصح لساااانك واسمحلنا على القصور....والى لقاء اخر ان شاء الله....

شكري وتقديري....

ماجد الهذلي 15-Jul-2005 02:55 AM
أي أستاذ أنا على قد حالي يالغااالي

ولا حصل منك قصور ولا شي

الشكر موصول لك

تحياااتي


الساعة الآن »10:59 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd