|
اخبار طيبه للشعب السعودي
فيه اخبار طيبه للشعب السعودي بعد اعلان الميزانيه هذا العام
اللي عطاني العلم رجال ثقه وعليه علم |
والميزانيه متى أربها قريب
واللا في شهر /7 |
ياوصل الميزانيه بعد شهرين
|
الله يبشرك بالخير ويرحم الوالدين اللي أنجبوك
|
اقتباس:
جزاك الله خير ابشرك ابو متعب ناوي يفرط الكيس على الشعب |
ياخوي . نبيه يخفض الأسعار ويحط حد رادع لها التجار اللي ذبحونا
مانبي زيادة رواتب كل مازادت الرواتب .زادت الأسعار . مااستفدنا شيء يخفض الأسعار ورحم الله والديه |
اخوي فهد عسى ماهي مثل كل سنة للقطاع الحكومي .. وحنا القطاع الخاص ماكننا مواطنين
عموما الله يطرح البركة ... ويعم بنفعها ارجاء البلاد :) |
هاذي ثالث سنه وانت كل سنه قبل الميزانيه
من فتره اخبار ساره ثم بشرى ساره ثم اخبار طيبه الحقيقه عقدتونا من اسم ساره فلا تعقدونا من اسم طيبه لأنه اسم غالي علينا لطيبه الطيبه قل اخبار حلوه يمكن نتعقد من الحلا ونبعد عنه بدل مايجينا سكر من كثر الصدمات عموما تولمو ثم احمدو ربكم جاكم راتبين |
ربما نسمع بقرارات ساره للشعب
وفي ألأخير لا تطبق ما يريدة الشعب هو الضرب بيد من حديد لكل تاجر يتلاعب بالأسعار عام 1425هـ كان راتبي 4800 ريال وكنت متأجر وعندي طفلين وكانت اموري جدا ممتازة ألأن ولله الحمد والمنه راتبي 13000ألف ريال لكنه لا يكاد يكفي الى اخر الشهر والسبب الغلاء الفاحش والظالم والغاشم الذي اجتاح البلد خلال ال 7 سنوات الماضية |
لاتعليق ..
|
الله يصلح الحال والاحوال
يكتب اللي فيه الخير ننتظر ونشوف لاهنت يالمورقي،، |
اقتباس:
ياوصل ردع التجار في ايدينا نحن المواطنين وليس الحكومه الردع يكون بمقاطعة السلع التي ترتفع اسعارها حتي تنخفض وهناك ثقافه للاستهلاك وهي البحث دايم عن البديل ومشكلة المواطن يتبع سياسة القطيع وهي اذا قالو رز الشعلان اطيب رز جوك المواطنيين كلهم عليه وتركو الماركات الاخري وبذلك يزيد السعر الحكومه يقع على عاتقها ارتفاع الكهرباء او الماء او الدواء |
من يوم عرفنا الحكومه وكل ماقربت الميزانية يقولون اخبار ساره بشرى بتقبرون الفقر
وكلها مسكنات للشعب وضحك على البسطاء ومن دون في دون لين ينفدون |
يافهيد
كل شيء يقع على عاتق الحكومه الماء بالوايت في معظم الاحياء والكهرباء دائما يقطعونها بسبب عدم تسديد الفواتير 100ريال كنت افلل السياره بنزين واشتري لحم ولبن وحليب هالحين 100ريال يادوبها 2كم لحم والله ماتعشي عيالي حليب الاطفال عليييبه صغييييره ب 35 ريال والله مايكمل اسبوع النيدو 84ريال الرز السكر الشاي الدجاج اللي كانت ب7هالحين 14 وش نقاطع . نجوًع أطفالنا حتى تنزل الاسعار الشكوى لله وحده لاشريك له |
اقتباس:
غلي اللحم من لحم القعدان ولحم البقر ولحم الضان وذا الحين كملت بالدجاج الله يجلي عنا الغلا |
اقتباس:
|
اقتباس:
هذا الكلام السنع بارك الله فيك وفي امثالك المثقفين يافهيد اكثر الشعب ياويلنا من الغلا كنا بنموت جوع والسبب المواطن يعبي السلة حتى بالشيء اللي مايحتاجه ويعبي بطنه واخرتها امراض والاصل انا ناكل عشان نعيش مهو نعيش عشان ناكل |
الأخ فهيد الايدا
الاخ طراد الاخ العفريت اللي ياكل الفرش ماهو مثل اللي يعده مواطن ساكن في عماره ملك ومؤجر 4شقق وراتبه أكثر من 15000ريال يقول المواطنين يتضجرون والدنيا بخير ومواطن راتبه 3000 ومستاجر شقه من بخاري واللا من يماني واللا من هندي ب25000ريال وعنده على الأقل 5أو 6 أطفال . كيف يقدر يعيشهم مثل الآخرين أنا بإمكاني هالحين أقول ترتفع الأسعار واللا تنزل ماعندي مشكله والحقيقه إن أكثر الشعب غلابا |
الله يبشرك بالخير يافهيد
لكن ماالظاهر انه صحيح , تعودنا كل سنه على ذا الاخبار |
اقتباس:
يامحمد مره جلست اسولف مع مصري يعمل في مطعم يقول انتم يالسعوديين تحبو الاكل كثير انتم ماتبطلوش اكل لاليل ولانهار هههههههههههههههههههههههههههه قلت له بالعكس الاكل اللي يطلع من مطعمكم نصه في الزباله لكن حنا شعب نحب نشتري |
اقتباس:
لو بس نتعلم نشتري اللي حنا في حاجته بس والله نوفر كثير وترى غلاء الاسعار هذا سبب للتبذير والبذخ على طاري المصري مرة واحد سوري جلست انا وياه ونسولف يقول انتم كل اكلكم من المطعم محد يطبخ ,قلت لاتعمم مهو كل الناس (يمكن الاكثرية) |
الرواتب عالميه
والغلاء عالمي نسمع الدعاء من خطباء الجمعه (.اللهم اصرف عنا الغلاء والوباء والبلاء) حمدلله الوباء والبلاء صرفها الله عنا والغلاء يمكن والله أعلم بسبب تبذيرنا واسرافنا وذنوبنا |
اشكركم جميعا على المرور الكريم
تحيتي |
باقي عن صدور الميزانيه شهر
|
| الساعة الآن »06:59 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd