هلا يا مرحبا ياللي تسلم والهوى ذعذاع = ينشط خاطر اللي من صدوف الوقت منكوبي
تهرج يالحليصي والعلوم يذيعها المذياع = وانا ماني سوات اللي لبس له ثوب مقلوبي

مثل شرواك والطيب مثل برق الحيا لماع = عسى ما يختلف ظني وظني فيك محسوبي
اشوفك في الدير دواج لا هايب ولا مرتاع = وش اللي معك ياللي في يديك كتاب مكتوبي

توقع يالحليصى واعرف ان البحر ماله قاع = سبحنا قبلك البحر الغزير وجبت مطلوبي
يجيك مدداوي العله وتشفى باقي الاوجاع = عساها ما تخثرب يالحليصي كل مشروبي