جزل القصيد من الجزال المهاذيـب =يطرب لها الشاعر على نظم الاشعار
هيضٍ ورى هدف الضلوع المحاديب =من منهـلٍ حلـوٍ مواريـده غـزار
مثايـلٍ تطلـق حجـاج المناديـب =تشرع لها ابواب الرحابه والانظـار
المدح فكرام الّحى مثيب ومصيـب =تردد لها والنعـم ويثنّـون تكـرار
للبرق ماطـر وللطراقـي معازيـب =وللقافيه شاعـر وللخيـل مضمـار
والطيب يحضابه بعيـد المحاضيـب =يسبق على العليا بعيديـن الاذكـار
المدح في عتيبه رحيـبٍ ولا ريـب =ماتقصر الكلمه ولاتشيب الافكـار
اطلق عنان المدح وسنّد على طيـب =ومن الرهاوه اغرف وطب وختـار
الحـق ماغطـه حميـد العواقيـب =ونفسي لها في مدرج الحـق معبـار
شاعر ولي مبدا وعرف ومواجيـب =وهذي لها شيمـه وقيمـه ومقـدار
رفعـة معرفتنـا سنـام المطاليـب = وعتيبه الهيلا لهـا الطيـب ينـدار
تضرب لهـا تحيـة العـز والطيـب =تحيـةٍ تشهربهـا احـرار لـحـرار
عزاز النفوس الوافييـن الاصاحيـب =ربعٍ صداقتهم مثل صبـح الاسفـار
صدق ونقى وعرف ورحابه واساليب =ثلاثين عامٍ مـع صواريـم سنجـار
وياعنك مافيهم مـلام وعذاريـب =يسقي مواطن عرفهم وبل الامطـار
حصون الذرى من حاميات اللواهيب =خويهم مايلحقـه ظيـم واكـدار
يدرون حسـة خاطـره الهباهيـب =يفدى معرفتهم قصيريـن الاشبـار
خوة وفى تغتاض منهـا الاجانيـب =ولها على سلم العرب شيمـة ونـار
من الدواسـر لابتـي والمناسيـب =وكني من عتيبه على طيب ووقـار
اهـم المياميـن الدهـاه اللواليـب =سلة شبى السيف ومداريع الاخطـار
هم مزبن الهارب من الخوف والريب =دخيل الوجيه اللي لها البشت والكار
الراسخيـن الظاهريـن الغواليـب =الغانميـن المستقيمـيـن الاخـيـار
عتيبه الهيـلا الزحـول المعاطيـب =سلاطين وثقـال ورفيعيـن وكبـار
لطامـة العايـل كعـام المغاضيـب =ذباحة الحايل ذرى الضيف والجـار
تاريخهم والمجـد هـول وتعاجيـب =بسيوف هند وشلف وفرسان وامهار
عزمٍ يذلل كل عسـرات وصعيـب =سلايل هوازن منجبة كـل مغـوار
للصيت ذكر الشيخ عطب المضاريب =بن حميد ماحلا سجدتينه بالاسحـار
ومبعد مغازيّه علـى شمّـخ النيـب =ويا مطيب اشعاره على شبـة النـار
قلتـه ونـا والله مالـي مطاليـب =الا انها تبقى وفـى وطيـب تذكـار
قولٍ عليه ابهام عبدالله بـن ذيـب =من دوسري الحـق يجهربـه جهـار

المشاركة الأصلية كتبت بواسطة خالد سفر العتيبي (المشاركة 1311206) ماعليكم زود وصح لسانك ويامرحبا يامرحبا والله بابو ذيب في محلك وبين اخوانك علي بالحرام تشوش قصيدك تصدق طار النوم جعل يفداك اللوام والشامت والهذار وسلااااااااااامتك الشاب خالد سفر العتيبي

قـولٍ علـيـه ابـهـام عـبـدالله بــن ذيــب=مــن دوســري الـحـق يجـهـربـه جـهــار

المشاركة الأصلية كتبت بواسطة مجول بن جلال المقاطي (المشاركة 1330182) صح لسانك يالدوسري والف نعم فيك وفي قبيلتك لكن ارجوا منك تغيير هذا الشطر عتيبه الهيلا الزحول المعاطيب انت حطيت الاسم الممدوح مفعول به وليس فاعل

المشاركة الأصلية كتبت بواسطة فيصل مطر (المشاركة 1334992) ابوجلال اسمحلي طال عمرك بالمداخله وانت رجل تفيد وتستفيدوهاذا ماعرفته عنك من فتره طويله ولاكن لمعلومية الشعرالعامي مختلف تمامامعنى ومبنى وينقد نقداويفهم فهما,ولايعرب ويعرف عرفا, لاعلاقه له بالتفعيله ولابالفاعل ولابالمفعول به البته فعلى سبيل المثال (المعاطيب)لوخذاناها,لوحدها,بمدلول اصلها,,هي كلمه غلط,عندماتعتبركلام ولاكن عند ماتعتبر شعر فان الامرمختلف باختلاف الشعرعن الكلام جملتاوتفصيلا كونها,تنقدنقدا شعريا,وتاتي من حيث اتى امره وليس من حيث اتى اصلها, الشطركاملا, (عتيبه الهيلا الزحول المعاطيب) هنى يوخذروح ونفس واتجاه واضح لاغبارعليه فهوتكون من كلمتين اسم, وكلمه تصنيف وتحديد اتجاه جباري, وكلمه أشاره غنيه عن التعريف من حيث كانة هنى وليس هناك هذاماحبيت توضيحه من وجهة نظري ولاجزم بصحتها عن نفسي ومع التحيه يابوجلال

المشاركة الأصلية كتبت بواسطة مجول بن جلال المقاطي (المشاركة 1330182) صح لسانك يالدوسري والف نعم فيك وفي قبيلتك لكن ارجوا منك تغيير هذا الشطر عتيبه الهيلا الزحول المعاطيب انت حطيت الاسم الممدوح مفعول به وليس فاعل

المشاركة الأصلية كتبت بواسطة فيصل مطر (المشاركة 1334990) صح لسانك ياعبدالله طيبه ومن وجها طيب وعزيز قوم ولاعليك زود مشكورا تقبل مـــــــروري

المشاركة الأصلية كتبت بواسطة عبدالله بن ذيب الدوسري (المشاركة 1339351) الاخ مجول بن جلال المقاطي صح بدنك وماعليك زود يامجول ومن طيبك اما من ناحية تغيير الشطر ابشر على خشمي لكن اشهدالله انني مقتنع حسب علمي ومعرفتي انه للمدح ولااشكالية فيه ولم الاحظ ماذكرته مثل ماذكر اخوي فيصل مطر والامثلة كثيرة خذ مثال " عطيبين الضرايب .... لو قسناها حسب ماذكرت بالفصحى وكلام خارج عن نطاق الشعر لاختلفت المسالة عتيبة الهيلا الزحول المعاطيب ..... المقصد هم الذين يتصفون بذلك كفاعل وهو معروف في الشعر العامي ولكن ابشر ولايهمك وجزاك الله خير اللي فطنتني لذلك حتى لايجد احد مدخل على القصيدة اشكرك كل الشكر