اشوف الهاجري يلتفت لي كنه الذيب,,خالد العصيمي, سلطان الهاجري
 

خالدالعصيمي


هلايا مرحبا ياضيوف الكم معازيب=اهل فعلٍ ينومس وهل طيب وزعامه

اشوف الهاجري يلتفت لي كنه الذيب=ياذيب اطويق ماشفت نمرٍ في تهامه؟





سلطان الهاجري

يدوم الك البقا في محل اهل المواجيب=انا ونته وكلٍ رصاصه من حزامه

طبيب الجرح يقدر يداوي الجرح ويطيب=لكن الجرح مايجرحه غير الغشامه







خالدالعصيمي

رصاص الماص روسه مثل حمر المشاهيب=يجيك ابه العتيبي ويصدق في كلامه

على سلطان هذا السنه بعض الاصاويب= عسا سلطان يسلم ولاتكسر عظامه









سلطان الهاجري

تفقد محزمك لا يقع فيها مكاذيب= حدى ثنتين يما فخر ولا ندامه

انا يمناي تومي على بعض الاشانيب= ويدفن جبهته كنها جبهة نعامه








خالدالعصيمي


رصاصي يا كل القوم ويسد المطاليب=لايا جاء يومٍ اقشر مثل يوم الرغامه

لاتخلفك الهقاوي وتبعك للاجانيب=وتجيب الصبح طربوش وتكب العمامه







سلطان الهاجري

ياقطمان المحازم بدا فيكم عذاريب=من البارح وقبله تحبون السلامه

لا تستغرب لامنه بدا في راسي الشيب=الذكي لك جمل ونت تأكل من سنامه






خالد العصيمي

ترى اللي يطلب الشر فيه الشك وريب= ومنهو يبذل الخير مافيها ملامه

ليا كثرت همومك يحضر العقل ويغيب= تحسب ان العواصف مثل يوم القيامه





سلطان الهاجري

اخذنا من حياة الشقى درس وتجاريب= وعلمنا بها الطفل عاده في فطامه

بغيت اقلع سنونك وركب فيك تركيب= لكنك تطرد الفن ياراغب علامه




خالد العصيمي

دروس الجامعه غير عن درس الكتاتيب= لكن الجد والصدق كلٍ بحترامه

لقينا جرة الداب يخطى الدرب ويصيب=يابن هاجر مازين عشاك الا يدامه





سلطان الهاجري

ابيك اتصير مندوب من ظمن المناديب= لونك تسمع الشيخ وتفسر حلامه

وردت العد لاكن غثربت المشاريب=وحنا نستحي لا ندفعك الغرامه





خالد العصيمي



بذلنا معك يا الهاجري كل الأساليب=وشمسك صايرن دونها مثل العسامه

وردنا مارد الطيب ونته من هل الطيب=مواريد المطاليق مافيها ملامه

خالد العصيمي شاعر مظلوم اعلامياً


بصراحه ماهو سهل سمعت له محاورات

شاعر كبير واتمنى له التوفيق

صحة السنتهم

والعصيمي شاعر سواء كان مظلوم او غير مظلوم

مافي فرق بينه وبين سلطان في هالطاروق رغم فارق الخبره

خالد العصيمي

شاعر معنى وجزالة وبعد عن المهاترات


ورأيي أنه مظلوم إعلاميا

وأرى فيه بدايات حبيب العازمي

من حيث التعب على الأبيات والمعنى


والهاجري مايحتاج فوق نقدنا

والله يوفق الجميع

ولاهنت ياكاتب الموضوع
...

مشكورين على مروركم الرائع .






كل التقدير ولاحترام

خالد العصيمي شاعر مظلوم اعلامياً

والعلام ضالم ومصالح

خالد شاعر خالد شاعر





وجايبين شي جديد





كل العصمه شعار




يعني ما تدرون

ههههههههه

صادق

اصلا اللي مايقصد فيهم ماهو عصيمي

الحقيقه اصبت الهدف كلهم شعار

هههههههههههههههههههههههههههه

خربها ماجد:)

:rolleyes:

/

خالد جداً مبدع

صحيح العصمه كلهم شعار



ولكن ليست الاصابع متساويه

صح لساان ابن العم خالد العصيمي وصح لسان الهاجري

خالد العصيمي شاعركبيرافضل من الهاجري و90%من شعراءالساحه المعروفين

كلام اراهن عليه بلا خبره وشهره وخرابيط والدليل على ان الخبره والشهره لاتعني شي فمثلاً سفرالدغيلبي اصغرالشعراء المعروفين سن وافضلهم شعر اضف الى ذلك الشيخي وغيرهم الكثير

حمدان العضياني



مشكــــــور علـــى المرور والتعليق الطيب

اشوف الهاجري يلتفت لي كنه الذيب=ياذيب اطويق ماشفت نمرٍ في تهامه

ــــــــــــــــــــــــــــــــــــــــــــــــــ ــــــــــــــــــــــــــــــــ


صياف يوم إنه بدالي بوجهه كنه الذيب= ذيبٍ على طول السنه مرقده في جال وادي

الله يرحمك يامطلق

كنه الذيب . يعني يشبه الذيب وهو ماهو بذيب ههههههههههه

وهنا خالد العصيمي يقتبس من بيت مطلق . والبيت عدًا ومر بسلاااام والهاجري لم يلقي له بال

أو أنه تجاهل معنى اليبت وبدأ بفتل المعنى لخالد بدل من نقض البيوت . الهاجري شاعر ذكي

وعلى طاري خالد العصيمي

خالد العصيمي شاعر من أروع الشعراء اللي ظهروا في جيله . لكن حظه مثل حظي تقريباً هههههه

تحياتي

وفيه بيت ثاني ونفس الذيب لصياف الحربي الله يرحمه يقوله للمرحوم مطلق الثبيتي

انت ذيب تكره البارود يوم انك تشمه & ما تحب النور الابيض ماتحب الا الظلامي

ههههههههههههههههههههههههه

حظك فالسماء يا ابو محمد لكن .................

الوقت ماهو وقت شعار وعوارف فقط مهرجين يؤدون لون المحاورة

تحياتي

ههههههههههههههههههههههههههههههههههه

يالعفريت

الذيب اللي يقصده مطلق غير الذيب اللي يقصده صياف

الذيب اللي يقصده مطلق يشبه الذيب من حيث الشكل . لكنه أليف ويحمى المواشي من الذئاب ههههه

والذيب اللي يقصده صياف هو الذيب اللي نرميه بالليل بدون إطلاق نار هههههههههههه

الله يرحمهم ولا يؤاخذهم

شعراء رحلوا وتركوا ساحة المحاورات وكاله بدون بواب

وصل الشهيب





انت من افضل شعراء جيلك وخالد العصيمي من افضل شعراء جيله


والذهب لايصدأ ابداً مهما طال الأمد وحظك طيب وتاريخك الشعري مشرف لقبيلتك ومشرف لساحه

الشعريه


بنسبه لخالد انا انقل له بعض المحاورات بدافع الأعجاب. واتوقع ان يكون له مستقبل حتى لو تأخر في


الطلوع على الساحه اتوقع ان يكون له شان في عالم المحاوره ولله اعلم