يالله توفقنا على درب الاسناع=نهج النبي ماهوب نهجين يغيبي
وخلاف هذا هجرس البال في ساع=وين الرجال مدلهين الغريبي
اهل القصص واهل الحكم وتسماع=لياسكت هذاك هاذا يجيبي
ذكرت ابو فهد في جزل الابداع=سعود بن حباب سقم الحريبي
راع الكرم والطيب حلال الانزاع=ابوفهد مافيه شكن وريبي
يابوفهد فرقاالحسا يوجع اوجاع=انشد مجرب قبل تنشد طبيبي
الصبر في بعض المواقيف قدضاع=ضاع الذهيب ولالقينا الذهيبي
من مايحز النفس في كل مرماع=كيف العتيبي يشتكيله عتيبي

يامرحبا ترحيبة شبرها باع=برسالة من صاحبآلي قريبي
ودع لنجدونجد للقلب مرباع=ديرة مهدين الصعب والصعيبي
كم شيخ قوماطاح منهم على القاع=وكم شيخ قوما من سهمهم عطيبي
واليوم كثرة في هوى نجد الاوجاع=والسالم اللي من وجعهم يطيبي
كثر التشاحن واجدبت كل الاصقاع=ومن الحسد صارت تجف القليبي
وانته طويل ذراع وتعرف الاسناع=في نجد ركن وفا الهمات ذيبي
قدام بيتك حط للافي شراع=وحنا على الدنيا ضيوف وعزيبي
وان حستك بعض المواقف والاطباع=اكفخ بريشك والمخالب تصيبي

المشاركة الأصلية كتبت بواسطة فالح الراي (المشاركة 1300856) صحت الالسن والقلوب

المشاركة الأصلية كتبت بواسطة سعود حباب العتيبي (المشاركة 1300860) صح لسانك يابو مطلق ولاهنت ولاتستغرب منك الجزاله والرد في طريقه اليك

المشاركة الأصلية كتبت بواسطة عزارم (المشاركة 1300873) صح لسانك ولسانه يـابـوفــهــد فـرقـاالـحـســا يـــوجـــع اوجــــــاع مافيه غير التمر وغيره عساه بالدواكيك اللي تدكه

المشاركة الأصلية كتبت بواسطة فيصل مطر (المشاركة 1300989) صح لسانك يابوفهد لاهنت يارااايع تقبل مــــــــــروري

المشاركة الأصلية كتبت بواسطة عايض جزاء العصيمي (المشاركة 1301113) صحت السنتكم جميعا تقبل مروري

المشاركة الأصلية كتبت بواسطة عثمان الثبيتي (المشاركة 1301118) صحت السنتكم

المشاركة الأصلية كتبت بواسطة سعيد مرزوق العبد (المشاركة 1301579) صحة السنتكم

المشاركة الأصلية كتبت بواسطة عســـاف العتيبي (المشاركة 1301580) صحة السنتكم

المشاركة الأصلية كتبت بواسطة سعد المسـعودي (المشاركة 1304631) أبومطلق ... حي والله هالشموخ وهالأبداع .. وبغرض شعر المساجلات متى ماكان بهذا التألق وبتمكن .. الفتل ونقض الفتل .. الأقل مايقال عنه .. إبدااااااااااااااااع منقطع النظير وشاعرين .. يستحقان .. الوقوف أمام روائعهم و الأحتفاء والإشادة بهما عن حق وحقيق .. جزلان يابومطلق فصح لسانك ولسان أبن حباب ،، أحتراامي

المشاركة الأصلية كتبت بواسطة محمد موسى المقاطي (المشاركة 1304639) صحت الالسن ولاهنتو جميعاً والله يجمع الشمل على عز و معزه

المشاركة الأصلية كتبت بواسطة راعي القوافي (المشاركة 1325995) صح لسانك ياسعد المقاطي قصيده جزله من شاعر جزل

المشاركة الأصلية كتبت بواسطة شفاي ابن بشيّر (المشاركة 1326615) صح لسانك يا سعد مطلق وصح لسان الشاعر سعود حباب صوت وصدى من الوزن الثقيل تحياتي وتقديري