اللي تعاف من اوله عاف تاليه
 

المكسب من الوقت هذا السلامه
----------اللي تعاف من اوله عاف تاليـــه

كلً بوجهي يبدي الابتسامــــــــه
-----------اوجه لمن العتب والمشـــــاريه

ليت الردي على جبينه علامـــه
--------من شان مانخدع مع الظن والتيه

كم فيه راس كاسيته العمامه
--------والمال والبشت الحساوي مسويه

اذا نخيته ماتقله عظامه
---------فيه الظنون اتخيب خابت هقاويه

لو ان ابوه امير راعي زعامه
--------- المشكله خالً مــــــجود بناخيه

يالعن ابو عرق الردى والرخامه
-----------اثره يرد الرجل عن منهج ابيه

مثله حليفً للردا والملامه
-----------ولايستحق ونعم لاحل طـــاريه

اذا لقيته قـلل من احترامه
---------واذا نصاك بعلم لاتلتـــــفت فــيه

جنبه لوتقعد لايوم القيامه
--------- مالك خويً في حياتك تـــخاويه

مكسبك من فرقاه خير وسلامه
--------- اللي تعاف من اوله عاف تاليه

مشكوووور ياعثمان عسى ربي يحفظ

ارحب ياراشد شرفني مرورك لاعدمتك

واللي تعاف من اوله عاف تاليه







صح لسانك ياطيب

يالعن ابو عرق الردى والرخامه ----------اثره يرد الرجل عن منهج ابيه

ايوالله انك صادق ياعثمان صح لسانك وسلم بنانك ودمت مبدعا كالعاده

لانني يعلم الله اني متابع قصائدك في اكثر من منتدى ومعجب بذلك

مع انك شاعر معروف ولست بحاجه لشهاده من جناح ايسر هههههه

مبدع ياخال وبيض الله وجهك على ماقدمت لك تقديري واحترامي

صح لساااااااااااااااااانك ياعثمان
مبدع كما عهدناك دائما لاهنت
تقبل مروري

ارحب يابن عاصي اسعدني مرورك لاعدمتك

شكرا جزيلا على مرورك صدقت في كلامك وبيض وجهك ياطيب الرجل الصادق

يعلم الله اني احبه وعادي انا اقبل النقد الهادف وافرح به


والعن حرام ولكن بلينا به وصار عاده على السنتنا الله يغفر لنا



اشكرك مرة اخرى والله يبيض وجهك

ايوالله ياعثمان ليت فيه علامة ردا لردي ولاعلامة جوده لطيب

اهم شي ينعرف قبل التهقوي فيه

صح والله لسانك

بدعت وامتعت

تحيتي وتقديري

صح بدنك يابو فهد ماعليك زود

صح لسااااااااااااانك

اسعدني مرورك يابو مطر لاهنت

كم فيه راس كاسيته العمامه
--------والمال والبشت الحساوي مسويه

صح السانك . يا عثمان .

كم راس مكسي في جديد العمامه = والمال والبشت الحساوي مسويه .

من اجل ان يستقيم الوزن . وانت شاعر مافيك لاشك ولاشكوك .
وتقبل مروري وتحياتي

صح لساااااااااااااااااااااانك على هالقصيده

صح لسانك على ما اوردت هنا ياعبد الله قصيده جزله من شاعر جزل